ރައީސް ޑރ. މުޙައްމަދު މުއިއްޒު މިއަދު ވިދާޅުވެފައިވަނީ ރާއްޖޭގެ ހަތް ސަރަހައްދެއްގައި ގާއިމްކުރާ އާބަން ސެންޓަރުތަކުން ހުރިހާ ހިދުމަތެއް އެންމެ މަތީ ފެންވަރުގައި ލިބޭނެ ކަމަށެވެ.
އދ. އަތޮޅުގެ ތިން ރަށަކަށް ކުރައްވަމުންދާ ރަސްމީ ދަތުރުފުޅުގައި މަހިބަދޫއަށް ވަޑައިގެން ރައީސް މުއިއްޒު ވިދާޅުވީ:
– އާބަން ސެންޓަރުތައް ގާއިމްކުރާނީ ރާއްޖޭގެ ކޮންމެ ސަރަހައްދަކުން ހިދުމަތް ލިބޭ ގޮތަށް
– މި ސެންޓަރުތަކުން އެންމެ މަތީ ފެންވަރުގެ ހުރިހާ ހިދުމަތެއް ލިބޭނެ
– މީގެ ތެރޭގައި ތައުލީމީ، ސިއްޙީ، އިޖުތިމާއީ އަދި ގެދޮރުވެރިކަމުގެ ހިދުމަތްތައް ހިމެނޭ
– މި މަޝްރޫއުތަކުން ގެދޮރުވެރިކަމާއި އިގްތިސާދީ ގޮތުން ރައްޔިތުންނަށް ފައިދާކުރާނެ
އާބަން ސެންޓަރުތައް ގާއިމްކުރުމަށް ހަމަޖެހިފައިވާ ހަތް ރަށަކީ:
1. ރ. އުނގޫފާރު
2. ބ. އޭދަފުށި
3. ޅ. ނައިފަރު
4. އދ. މަހިބަދޫ
5. ފ. ނިލަންދޫ
6. ދ. ކުޑަހުވަދޫ
7. ލ. ފޮނަދޫ
ރައީސް މުއިއްޒު އިތުރަށް ވިދާޅުވީ މަހިބަދޫގައި 100 ހައުސިންގ ޔުނިޓު އިމާރާތްކޮށްދެއްވާނެ ކަމަށެވެ. މި ދަތުރުފުޅުގައި މަހިބަދޫ ރައްޔިތުން ރައީސަށް ވަރަށް ހޫނު މަރުހަބާއެއް ކިޔާފައިވާކަން ވެސް ފާހަގަކުރެވެއެވެ.
Leave a Reply