“އެޕެކްސް” ގައި ފުރާނަ ސަލާމަތްކުރުމަށް ޗާލީޒް ތެރޮން ވަރުގަދަ ކުރިމަތިލުމަކަށް

އޮސްކާ އެވޯޑް ހާސިލްކޮށްފައިވާ މަޝްހޫރު އެކްޓްރެސް ޗާލީޒް ތެރޮން، އޭނާގެ އާ ފިލްމު “އެޕެކްސް” ގައި ފުރާނަ ސަލާމަތްކުރުމަށްޓަކައި އޮސްޓްރޭލިއާގެ ވަލު ޖަންގަލީގެ ތެރޭގައި ނުރައްކާތެރި ދުވުމެއް ދުވަން ފަށައިފިއެވެ. މިހާރު ނެޓްފްލިކްސް މެދުވެރިކޮށް ބަލައިލެވޭ މި ފިލްމަކީ އެކްޝަން އަދި ސައިކޮލޮޖިކަލް ތުރިލާ އެއްގެ ގޮތުގައި ފާހަގަކުރެވޭ އުފެއްދުމެކެވެ.

“އެޕެކްސް” އަކީ ކޮބައި ހެއްޔެވެ؟

މި ފިލްމަކީ ހިތާމަވެރި ހާދިސާއެއް ކުރިމަތިވެފައިވާ އަންހެނަކު، ހިތްހަމަޖެހުން ހޯދުމަށްޓަކައި ޖަންގަލީގެ ތެރެއަށް ކުރާ ދަތުރެއްގައި، ނުރައްކާތެރި ސީރިއަލް ކިލަރއަކާ ކުރިމަތިލާންޖެހޭ ގޮތުގެ މައްޗަށް ބިނާކޮށްފައިވާ ފިލްމެކެވެ. މުޅި ފިލްމު ބިނާވެފައިވަނީ “ބުޅަލާއި މީދަލުގެ” ކުޅިވަރެއް ފަދައިން، އެކަކު އަނެކަކު އަތުލައިގަތުމަށް ކުރާ ނުރައްކާތެރި މަސައްކަތްތަކުގެ މައްޗަށެވެ.

ކާސްޓާއި ކެރެކްޓާ:

މި ފިލްމުގައި ޗާލީޒް ތެރޮން ފެނިގެންދަނީ “ސާޝާ” ގެ ރޯލުންނެވެ. ސާޝާ އަކީ ފަރުބަދައަށް އަރައި އުޅޭ (މައުންޓަން ކްލައިމްބަރ) މީހެކެވެ. އޭނާ ޖަންގަލީގެ ތެރޭގައި ތާށިވަނީ ޓެރޮން އެގަރޓަން ކުޅޭ ނުބައި ބައިވެރިޔާގެ މަރާއެކުގައެވެ. ތެރޮންގެ އިތުރުން މި ފިލްމުގައި ޓެރޮން އެގަރޓަން އަދި އެރިކް ބާނާ ފަދަ ހުނަރުވެރި ތަރިން ފެނިގެން ދާނެއެވެ

ތެރޮން އާއި އެގަރޓަން އަކީ މީގެ ކުރިން ވެސް ވަރުގަދަ އެކްޝަން ފިލްމުތަކެއް ކުޅެފައިވާ ދެ ތަރިންނެވެ. އޭގެ ތެރޭގައި “އެޓޮމިކް ބްލޮންޑް”، “ދަ އޯލްޑް ގާޑް” އަދި “ކިންގްސްމަން” ފަދަ ފިލްމުތައް ހިމެނެއެވެ.

ހަސަން އެޑީ