މަދަދު ހެޔޮ ހިތުން ލުހްޔާ އަށް އެހީވަމާ

އިންސާނާގެ ދިރިއުޅުމަކީ އިމްތިޙާނުތަކުން ފުރިގެންވާ ދަތުރެކެވެ. ބައެއް ފަހަރު މި އިމްތިޙާނުތައް ކުރިމަތިވަނީ ހީވެސް ނުކުރާ ފަދަ ގޮތްގޮތަށެވެ. މިއަދު އަޅުގަނޑުމެންގެ މުޖުތަމައުން ފެންނަމުންދާ މިފަދަ އެއް މިސާލަކީ، އުމުރުން އެންމެ 12 އަހަރުގެ ކުޑަކުޑަ ލުހްޔާގެ ހިތްދަތި ދިރިއުޅުމެވެ. ލުހްޔާއަކީ އުފަންވީއިރު ދިމާވި “ކާރޑަލް ރިގްރޭޝަން ސިންޑްރޯމް” (Caudal Regression Syndrome) ގެ ސަބަބުން، ދިރިއުޅުމުގެ ޒަރޫރީ އެތައް ކަމަކުން މަޙްރޫމްވެފައިވާ ކުއްޖެކެވެ. މައިބަދައިގެ ކަށިގަނޑާއި އުނަގަނޑުން ތިރީގެ ބައިތައް ފުރިހަމައަށް ނުއުފެދުމުގެ ސަބަބުން، ލުހްޔާގެ ހަށިގަނޑުގެ ހެދިބޮޑުވުމަށާއި އާންމު ދިރިއުޅުމަށް ވަނީ ނުހަނު ބޮޑެތި ގޮންޖެހުންތަކަކާ ކުރިމަތިލާން ޖެހިފައެވެ.

ޞިއްޙީ ހާލަތާއި ތަހައްމަލުކުރަމުންދާ ވޭން

ލުހްޔާގެ ހަޔާތް ފެށުނީވެސް އޮޕަރޭޝަން ތިއޭޓަރުގެ ތެރެއިންނެވެ. އުފަންވިތާ ފުރަތަމަ 3 މަސްދުވަހުގެ ތެރޭގައި ބޮޑެތި ސާރޖަރީތަކެއް ކުރެވުނު ނަމަވެސް، އޭނާގެ ހާލަތަށް އެދެވޭ ބަދަލެއް އައިސްފައެއް ނުވެއެވެ. މިއަދު ލުހްޔާގެ ހުރިހާވެސް ބައިވެރިއަކީ އޭނާގެ ފުރޮޅުލީ ގޮނޑިއެވެ.މީގެ އިތުރުން، ލުހްޔާއަކީ ކުޑަކަމުދާ ނިޒާމާއި ބޮޑުކަމުދާ ނިޒާމުގެ އުނިކަމެއް ހުރި ކުއްޖަކަށް ވުމުން، ހަށިގަނޑުން ނަޖިސް ބޭރުކުރަނީ ބަނޑުގެ އެއްފަރާތުންނާއި ފޫޅުގެ ތިރިން ހަދާފައިވާ “ސްޓޯމާ” (ލޯވަޅު) އެއްގެ އެހީގައެވެ. ނަމަވެސް، ތަކުރާރުކޮށް މި ލޯވަޅު ބެދުމުގެ ސަބަބުން އެ ސަރަހައްދުގައި ފާރު އުފެދި، ލޭ އައުމާއި އިންފެކްޝަން އަށަގަތުން ފަދަ ވޭނީ އުނދަގޫތަކެއް އޭނާ ދަނީ ތަހައްމަލު ކުރަމުންނެވެ. ބައެއް ފަހަރު ބޮޑުކަމުދާ ތަކެތި ބޭރުވާ މަގު ބެދި، އަނގައިން ނަޖިސް ބޭރުވާ ފަދަ ހިތްދަތި ހާލަތްތައް ވެސް ކުރިމަތިވެއެވެ. މި ހުރިހާ ތަކުލީފުތަކުގެ އިތުރުން، މިހާރު ނޭފަތުގައި މަސްކޮޅެއް އުފެދި، އޭގައި ދޮސްލައި ނޭފަތުގެ ކަށިގަނޑަށް ގެއްލުންވުމުގެ ސަބަބުން ނޭވާލުމަށް ވެސް ވަނީ ބޮޑެތި ދަތިތަކަކާ ކުރިމަތިވެފައެވެ.

ޑޮކްޓަރުންގެ ނިންމުމާއި ކުރިއަށް އޮތް އުންމީދު

ނޭވާލުމުގެ މައްސަލައަށް ޙައްލެއް ހޯދުމަށް އީ.އެން.ޓީ ޚާއްޞަ ޑޮކްޓަރަށް ދެއްކުމުން، ލުހްޔާއަށް “ސިވިއަރ އެޑިނޮއިޑް ހައިޕަރޓްރޯފީ” ޖެހިފައިވާކަން ވަނީ ކަށަވަރުވެފައެވެ. މިކަމުގެ ފަރުވާއަކަށް “ކޮބްލޭޝަން އެޑިނޮއިޑްކްޓޮމީ” ސާޖަރީއެއް ކުރުމަށް ޑޮކްޓަރުން ވަނީ ލަފާދެއްވާފައެވެ. މި އޮޕަރޭޝަން ކުރާ ޚާއްޞަ ޑޮކްޓަރު ހުންނަވަނީ ހަމައެކަނި ޓްރީޓޮޕް ހޮސްޕިޓަލުގައި ކަމަށްވާތީ، ޖޫން 30، 2026 ގައި އެ ހޮސްޕިޓަލުގައި ސާޖަރީ ކުރުމަށް ވަނީ ތާވަލުކުރެވިފައެވެ.

ލުހްޔާއަކީ ތަޢުލީމަށް ލޯބިކުރާ، ފުރޮޅުލީ ގޮނޑީގައި ސްކޫލަށް ގޮސް އުޅުނު ހިތްވަރުގަދަ ކުއްޖެކެވެ. ނަމަވެސް، މައިބަދައަށާއި ކަރުގެ ބަދަތަކަށް ލިބިފައިވާ ސީރިއަސް ގެއްލުންތަކުގެ ސަބަބުން ގިނަވަގުތު އިށީނދެ އިނުން މިހާރު ވަނީ މަނާކުރެވިފައެވެ. އެހެންކަމުން، މިއަދު އޭނާގެ ކިޔެވުން ކުރިއަށްދަނީ ގޭގައި އިނދެގެންނެވެ.

އާއިލާގެ މާލީ ހާލަތާއި އެހީތެރިކަމަށް އެދުންލުހްޔާގެ ބައްޕަ، މުޙައްމަދު އިޝާންއަކީ އެއަރޕޯޓްގެ ބެގޭޖް ސާވިސްގައި މަސައްކަތްކުރާ މުވައްޒަފެކެވެ. ލިބޭ މަދު އާމްދަނީން ގޭގެ ޚަރަދުތައް ބަލަހައްޓަމުން، ލުހްޔާގެ އަގުބޮޑު މެޑިކަލް ޓެސްޓުތަކާއި، ސާޖަރީތަކާއި ހޮސްޕިޓަލް ބިލްތަކަށް ބޭނުންވާ ބޮޑު ހޭދަ ހަމަޖެއްސުމަކީ އެ އާއިލާއަށް މިއަދު އުފުލޭވަރަށްވުރެ މާ ބޮޑު ތަކުލީފެކެވެ.

ލުހްޔާގެ މި ވޭނީ ދިރިއުޅުމަށް ލުޔެއް ހޯދައިދިނުމަށްޓަކައި މުޅި މުޖުތަމައުގެ ދީލަތި އެހީތެރިކަން މިއަދު އިންތިހާއަށް ބޭނުންވެއެވެ. މުސްލިމް އަޚުންނަށް އެހީތެރިވުމުގެ މަތިވެރިކަމާ ގުޅޭގޮތުން ކައު އިތުރު ރަސޫލާ ﷺ ޙަދީޘްފުޅެއްގައިވެ

މާނަ :”އަޅާ، އޭނާގެ (މުސްލިމް) އަޚާއަށް އެހީތެރިވުމުގެ މަތީގައި ދެމިހުރިހާ ހިނދަކު، ﷲ އެ އަޅާއަށް އެހީތެރިވެވޮޑިގަތުމުގައި ވެއެވެ.”

މި ހަދީޘްފުޅުން އެނގެނީ އަޅުގަނޑުމެން އެހީއަށް އެދެންޖެހޭ އެންމެ އިސް ފަރާތަކީ ﷲ ކަމާއި، އަދި އެކަލާނގެ އެހީތެރިކަން ހޯދުމަށްޓަކައި އެހެން މީހުންނަށް އެހީތެރިވުމަކީ ވަރަށް މަތިވެރި ކަމެއް ކަމެވެ.

“)

އެހީތެރިކަން ފޯރުކޮށްދިނުމަށް:

BML (MVR): 7715505470101
BML (USD): 7730000739534
އެކައުންޓް ނަން: Mariyam Avleen Waheed (ލުހްޔާގެ މަންމަ)އަޅުގަނޑުމެންގެ ކުޑަކުޑަ އެހީތެރިކަމަކީ ލުހްޔާގެ މޫނުމައްޗަށް ހިނިތުންވުމެއް ގެނެސްދީ، އޭނާގެ ވޭނީ ދިރިއުޅުމަށް އުންމީދުގެ އާ އައްޔެއް ލިބިގެންދާނެ ކަމެކެވެ. ހެޔޮ ހިތުން ލުހްޔާއަށް އެހީވަމާ ހިނގާށެވެ.