އިސްރާއީލުގެ ސިފައިންގެ ދިހަވަރަކަށް ސިފައިން ބުރާސްފަތި ދުވަހު ހުޅަނގު އައްސޭރީގެ އުތުރުގެ ނަބްލޫސްގެ ދެކުނުގައި އޮންނަ ޤުސްރާ ޓައުންއަށް ވަދެ ވަޒަންވެރިވި މީހުން ވަށާލާފައިވާ ގެތަކުގައި ތިބި ފަލަސްތީނުގެ ރައްޔިތުންނަށް ވަނީ ގެދޮރު ދޫކޮށް ދާން ޖެހިފައެވެ. މިއީ ފަލަސްތީނުގެ ދިހަވަރަކަށް މީހުން އަމާޒުކޮށްގެން ފުޅާދާއިރާއެއްގައި ހައްޔަރުކުރުމުގެ ކެމްޕޭނެއް ހިންގަމުންދާ ދަނޑިވަޅެއްގައާއި، އަލްއަގްސާ މިސްކިތުގެ ކޮމްޕައުންޑަށް ވަޒަންވެރިވި އެތައް ބަޔަކު ފާސްކުރަމުންދާ ދަނޑިވަޅެކެވެ.
ވަޒަންވެރިން އައުޓްޕޯސްޓެއް ގާއިމްކޮށް، ފަލަސްތީނުގެ ތިން އާއިލާއެއް އެމީހުންގެ ގެދޮރުގައި ވަށާލުން ކުރިއަށް ގެންދިއުމުން ޤުސްރާ ޓައުންގައި ޓެންޝަންތައް ދަނީ ބޮޑުވަމުންނެވެ. އަލްޖަޒީރާއަށް މައުލޫމާތު ދެއްވަމުން އެރަށުގެ މޭޔަރު އަބްދުލްއާޒިމް ވާދީ ވިދާޅުވީ އިސްރާއީލު ސިފައިން އެ ރަށް ބަންދުކޮށް ކާފިއު ހިންގާފައިވާ ކަމަށާއި އެ ރަށުގެ އެތެރެއާއި ވަށައިގެން ދިހަވަރަކަށް ސިފައިން ހަރަކާތްތެރިވެފައިވާ ކަމަށެވެ.
އޭނާ އިތުރަށް ވިދާޅުވީ ފަލަސްތީނުގެ އާއިލާތައް އަދިވެސް ރާސް އަލް އައިން ސަރަހައްދުގައި ތާށިވެފައި ތިބި ކަމަށާއި، އެމީހުންނާ ހަމައަށް ވާސިލްވެ ފެނާއި ކަރަންޓާއި ބޭހާއި ކާބޯތަކެތި ފަދަ ހިދުމަތްތައް ފޯރުކޮށްދިނުމަށް މުނިސިޕަލްޓީއަށް ނުކުޅެދޭ ކަމަށެވެ.
އެ ގެތައް ވަށާލުން ފެށުނީ މިދިޔަ ހުކުރު ދުވަހު އެ ރަށުގެ ގެތަކުގެ ކައިރީގައި ގިނަ އަދަދެއްގެ ވަޒަންވެރިން ޓެންޓެއް ޖަހައިގެންނެވެ .
ފަލަސްތީނުގެ ރައްޔިތުން ގެއިން ބޭރަށް ނެރުން
މޭޔަރު އިތުރަށް ވިދާޅުވީ އެތައް ސަތޭކަ ސިފައިންނެއް ޤުސްރާ ޓައުން ވަށާލާ ކަމަށާއި، ސެޓްލްމަންޓް އައުޓްޕޯސްޓް ހުސްކުރުމާ ގުޅޭގޮތުން ސިފައިން އިއުލާންކުރި ގޮތާ ހިލާފަށް ސިފައިން ވަނީ އިސްރާއީލު ސިފައިންގެ ފައިދާއަށް ކުޑަ ވަގުތުކޮޅެއްގެ ތެރޭގައި ގެދޮރު ހުސްކުރަން މަޖުބޫރުކޮށް، ހުކުރު ދުވަހުގެ ހެނދުނާ ހަމައަށް އެ ސަރަހައްދުން ތިން ވަނަ ގެއަކަށް ބަދަލުވާން މަޖުބޫރުކޮށް، އެ ސަރަހައްދު ދޫކޮށް ދިއުމަށް ދެކޮޅު ހަދާފައެވެ.
ހާލަތުގެ ސީރިއަސްކަމާ ބެހޭ ގޮތުން އިންޒާރު ދެއްވަމުން އޭނާ ވިދާޅުވީ “މިއީ އަޅުގަނޑުމެންނަށް ވަރަށް ނުރައްކާތެރި ކަމެއް. ގެތަކަށް ތޫފާން އަރައިގަތުމަކީ ވަޒަންވެރިން އެތަންތަން ކޮންޓްރޯލް ކުރުމުގެ ކުރިމަގު ކަމަށް އަޅުގަނޑުމެން ބިރުގަނޭ” ކަމަށެވެ. އޭނާ ގޮވާލެއްވީ މުނިސިޕަލް ކްރޫތަކަށް ތާށިވެފައި ތިބި މީހުންނަށް ވަދެވޭނެ ގޮތް ހެދުމަށާއި އެމީހުންނަށް އަސާސީ އެހީތެރިކަން ފޯރުކޮށްދިނުމަށެވެ.
އިސްރާއީލު ސިފައިން އިއުލާން ކުރި ގޮތުގައި ރޭ ނަބްލޫސްގެ ޤުސްރާ އާއި ޖާލޫދު އަވަށުގެ ބޭރުގައި ހުރި “ގަވާއިދާ ހިލާފު” ދެ އައުޓްޕޯސްޓެއް ތަޅާލައި، އެ ސަރަހައްދުގައި ސިފައިން ހަރަކާތްތެރިވެފައިވާކަން ފާހަގަކޮށް އިސްރާއީލުގެ މީހަކު ހައްޔަރުކުރި އެވެ. ނަމަވެސް ރައްޔިތުން ރިޕޯޓްކޮށްފައިވާ ގޮތުގައި އަދިވެސް އެމީހުން ވަށާލާފައި ތިބި ކަމަށާއި ވަޒަންވެރިން އެ ސަރަހައްދުގައި ތިބީ ބްލެންކެޓްތަކެއްގެ މަތީގައި ކަމަށެވެ
.އިސްރާއީލުގެ ޗެނަލް 12 އިން ރިޕޯޓްކޮށްފައިވާ ގޮތުގައި ސިފައިންގެ ފަރާތުން ރޭ ދަންވަރު ނެރުމަށްފަހު މިއަދު ފަތިހު ޤުސްރާ އަވަށަށް ވަޒަންވެރިވި މީހުން އެނބުރި އައެވެ.
ބުދަ ދުވަހު ފަލަސްތީނުގެ ކޮމިޝަން އެގޭންސް ދަ ވޯލް އެންޑް ސެޓްލްމަންޓްސް (ސަރުކާރުގެ އިދާރާއެއް) އިން އިންޒާރު ދީފައި ވަނީ ޤުސްރާގެ ގެތަކަށް ވަޒަންވެރިން ދޭ ހަމަލާތައް އާއިލާތައް އެކަހެރިކޮށް ގެދޮރުން ނިކުންނަން މަޖުބޫރު ކުރުމުގެ މަގުސަދުގައި ދިގު ވަށާލުމަކަށް ބަދަލުވަމުންދާ ކަމަށެވެ.
އެކަމަނާ ވިދާޅުވީ ވަޒަންވެރިން ގެތަކަށް ވަންނަ މަގުތައް ހިލަ ޖަހައިގެން ބަންދުކޮށް، އެމީހުންނަށް ކާނާއާއި ފެނާއި ބޭސް ފޯރުކޮށްދިނުމަށް ހުރަސްއެޅިއިރު، އެއްފަހަރާ ފެނާއި ކަރަންޓް ލައިންތައް ކަނޑާލި ކަމަށެވެ.
Leave a Reply