އިންޑިޔާގެ ބާރުގެ ދަށުގައި އޮންނަ ކަޝްމީރުގައި ހަތިޔާރު އެޅި މީހުން ދިން ހަމަލާއެއްގައި އިންޑިއާގެ ފަސް ސިފައިން މަރުވެ، ފަސް މީހަކު ޒަހަމްވެފައިވާ ކަމަށް އޮފިޝަލުން ބުނެފި އެވެ.
ހޯމަ ދުވަހު ދިން ހަމަލާގެ ޒިންމާ އެއްވެސް ހަނގުރާމަވެރި ޖަމާއަތަކުން އަދި އުފުލާފައެއް ނުވެއެވެ.
މި ހަމަލާ ދީފައިވަނީ އިންޑިއާގެ ބާރުގެ ދަށުގައި އޮންނަ ކަޝްމީރުގެ ކަތުއާ ޑިސްޓްރިކްޓްގައި އަސްކަރިއްޔާއިން އާދައިގެ ޕެޓްރޯލެއް ކުރަމުން ދަނިކޮށް ކަމަށް، ނޫސްވެރިންނާ ވާހަކަ ދެއްކުމުގެ ހުއްދަ ލިބިފައި ނުވާތީ ނަން ނުޖެހުމަށް ޝަރުތުކޮށް ފުލުހަކު ބުންޏެވެ. އޮފިސަރު ވިދާޅުވީ ފުލުހުންނާއި އަސްކަރިއްޔާގެ ރިއިންފޯސްމަންޓްތައް އެ ސަރަހައްދަށް ގެންގޮސް، ބޮޑު ކޯޑަންއެއް ބަހައްޓައި ބަލައި ފާސްކުރުމުގެ މަސައްކަތް ކުރަމުން އަންނަ ކަމަށެވެ.
މި ހަމަލާތަކަކީ މިދިޔަ އާދީއްތަ ދުވަހު ކުލްގަމް ޑިސްޓްރިކްޓްގައި ހިނގި ދެ ކުރިމަތިލުމެއްގައި އިންޑިއާ އަސްކަރިއްޔާގެ ދެ ސިފައިންނާއި ހަތިޔާރު އެޅި ހަ މީހަކު މަރުވި ކަމަށް ފުލުހުން ބުނުމާ އެކު ހިނގި ހަމަނުޖެހުންތަކުގެ ތެރެއިން އެންމެ ފަހުގެ ހަމަލާތަކެވެ.
ސޯސް: ޓީއާރްޓީ
Leave a Reply