ޝްއަރު ޓުއާސް ކިޔާ އެޖެންސީއަކުން މިދިޔަ ރޯދަމަހު ބަޔަކު އުމްރާ އަށް ގެންގޮސް ހާލުގައި ޖެއްސި މައްސަލަ ބޮޑުވި އެވެ. އެއީ ކުރިން އުމްރާ ގްރޫޕެއް ހިންގި ބައެކެވެ. ނަމަވެސް، އޭގެ ކުރީ އަހަރު ރޯދަމަހު ވެސް އެ މީހުން އުމްރާ އަށް ގެންދިޔަ ބަޔަކު ހާލުގައި ޖެއްސުމުން މިނިސްޓްރީން އެ މީހުންގެ ހުއްދަ އޮތީ ބާތިލުކޮށްފަ އެވެ. ހުއްދަ ބާތިލުކޮށްފައި ވަނިކޮށް މިދިޔަ ރޯދަމަހު އެ މީހުން ބަޔަކު އުމްރާ އަށް ގެންދިޔައީ ޓުއާ އެޖެންސީއެއް ހަދައިގެންނެވެ.
އެ އެޖެންސީން ވަނީ އުމްރާވެރިންގެ އަތުން ދެކޮޅު ޓިކެޓަށް ވާ ފަައިސާ ނެގުމަށް ފަހު، ރިޓާން ޓިކެޓަށް ވާ ފައިސާ ނުދައްކާ ހިފަހައްޓައިފަ އެވެ. އެހެންވެ، އެ އެޖެންސީގެ ހަވާލުގައި އުމްރާ އަށް ދިޔަ މީހުންނަށް މާލެ ނާދެވި، ގިނަ ދުވަސްތަކެއް ވަންދެން މައްކާގައި ތާށިވި އެވެ. ނަމަވެސް ފަހުން އެ އެޖެންސީ ފައިސާ ދައްކައިގެން އެންމެން މާލެ ގެނަ އެވެ.
Leave a Reply