އިންޑިއާގައި ދިރިއުޅޭ މީހަކު އެއް ލައްކަ ޑޮލަރުގެ އަގުހުރި ޖަވާހިރެއް ހޯދައިފިއެވެ. މީގެ ސަބަބުން ދަތިހާލުގައި ފަގީރު ކަންމަތީ ދިރިއުޅުމެއް އަންނަ އެމީހާގެ މުޅި ދިރިއުޅުން ވަނީ ބަދަލުވެފައެވެ. މި ޖަވާހިރަކީ 19.22 ކެރެޓްގެ އަގުހުރި ޖަވާހިރެކެވެ.
ރާޖޫ ގޮންޑް ނަމަކަށް ކިޔާ އެމީހާ ކުރާ މަސައްކަތުން އާންމުކޮށް ދުވާލަކު ލިބެނީ ގާތްގަނޑަކަށް ހަތަރު ޑޮލަރެވެ. މަސައްކަތްކުރަނީ އޭނާގެ އުފަން ބިން އިންޑިޔާގެ މަދްޔާ ޕްރަދޭޝްގެ ދަނޑުތަކުގަ އާއި ޖަވާހިރު ހޯދުމަށް މައިންތަކުގައެވެ.
އުމުރުން 40 އަހަރުގެ ރާޖޫ އާއި އޭނާގެ ކޮއްކޮ ރާކޭޝް ރަން ހޯދުމަށްޓަކައި ސަރުކާރަށް 9.50 ޑޮލަރު ދައްކައިގެން ވަޅު ކޮނުމުގެ މަސައްކަތް ކުރެއެވެ. ރާޖޫ ބުނެފައިވަނީ އެއް ލައްކަ ޑޮލަރުގެ އަގުހުރި ޖަވާހިރު ވެސް ފެނިފައިވަނީ އެގޮތަށް ކޮނުނު ވަޅަކުންނެވެ.
ރާޖޫ މިހާރު ވަނީ ޖަވާހިރު ވިއްކާލައިގެން ލިބޭ ލާރި ވަގުތުން ޖަމާކުރެވޭނެ ގޮތަށް ބޭންކު އެކައުންޓެއް ހުޅުވައިފައެވެ. އަދި ލިބޭ ލާރިން ދަރަނި އަދާކޮށް، ކުދިން ކިޔެވުމަށާއި، ގެ އެއް އިމާރާތްކޮށް، ބިމެއް ގަނެ، އަދި ޓްރެކްޓަރެއްވެސް ގަންނަން ނިންމައިފައިވާ ކަމަށް ރާޖޫ ބުންޏެވެ.
Leave a Reply