އޭޑީކޭ ހޮސްޕިޓަލުގައި ފަރުވާ ހޯދަމުން ދަނިކޮށް އަތަމާ އަބްދުލް ލަތީފްގެ ނަމުން މަޝްހޫރު އަބްދުލް ލަތީފް ހުސެއިން މިއަދު އަވަހާރަވީ އުމުރުން 94 އަހަރުގަ އެވެ. ރާއްޖޭގެ އިގްތިސާދީ ކުރިއެރުމަށާއި ހެޔޮއެދުންތައް ހިންގުމަށް ފުޅާދާއިރާއެއްގައި ޚިދުމަތް ކުރެއްވުމުގެ ގޮތުން މަޝްހޫރު ވިޔަފާރިވެރިއެކެވެ.
ރައީސް މުހައްމަދު މުއިއްޒު ވަނީ ސޯޝަލް މީޑިއާ އެކްސްގައި ތައުޒިޔާ ފާޅުކުރައްވައި، ދިގު މުއްދަތަކަށް ރާއްޖޭގެ ވިޔަފާރި ކުރިއެރުވުމަށް އަތަމާ އަބްދުލް ލަތީފް ކުރައްވާފައިވާ ފާހަގަކޮށްލެވޭ މަސައްކަތްތަކާއި، މިސްކިތެއް އެޅުމާއި، އަތަމާ ހައްޖު ގްރޫޕް މެދުވެރިކޮށް ރާއްޖޭގެ ގިނަ ރައްޔިތުންނަށް ހައްޖުގެ އަޅުކަން ކުރުމަށް ކޮށްދެއްވި ޚިދުމަތްތަކަށް އަލިއަޅުވާލައްވާފައެވެ. އަދި އަތަމާ އަބްދުލް ލަތީފްގެ ހިތްވަރާއި އަޒުމުގެ ސަބަބުން ދިވެހި ރައްޔިތުންނަށް މިނިވަންކަމާއެކު ބޮޑެތި ކަންކަން ހާސިލްކުރެވޭނެކަން ސާބިތުވެގެންދިޔަކަންވެސް ރައީސް ފާހަގަކުރެއްވިއެވެ.
Leave a Reply