އަމާޒަކީ މަދަރުސި ތައުލީމީ ނިޒާމް ނިންމާ ގުރޭޑަކީ ގުރޭޑް 12އަށް ހެދުން ކަމަށް އެޑިޔުކޭޝަން މިނިސްޓަރ ޑރ. އަޙްމަދު މުޙައްމަދު ވިދާޅުވެއްޖެއެވެ.
އެ މިނިސްޓްރީގެ މަގްސަދަކީ މުޅި ރާއްޖެއަށް މަތީ ސާނަވީ ފުޅާކުރުން ކަމަށާއި އޭރުން މިހާރު ހުރިހާ ކުދިން ވެސް އޯލެވެލް ހަދައި، ގްރޭޑް 10އަކުން ސްކޫލު ނިންމާލާގޮތަށް، އޭލެވެލްއާ ހަމައަށް ނިންމާލުމުގެ ފުރުސަތު އޮންނާނެ ކަމަށް ޓީވިއެމްގެ ހެނދުނު ހެނދުނާ ޕްރޮގްރާމުގައި ވާހަކަ ދައްކަވަމުން ޑރ. އަޙްމަދު ވިދާޅުވި އެވެ.
“21 ވަނަ ޤަރުނުގައި، ތަޢުލީމި ނިޒާމް ބަދަލުވެގެންދާއިރު އޭލެވެލްއަކީ ތަޢުލީމީ ނިޒާމުގެ އެގްޒިޓަށް ހަދަންޖެހޭ. އެ ވިޝަންގައި، މިއަދު މި ކުރާ މަސައްކަތަކީ މުސްތަގުބަލުގައި އަޅުގަނޑުމެންގެ ތަޢުލީމުގެ އެގްޒިޓަކީ ތައުލީމީ ނިޒާމް ނިންމާ ގުރޭޑަކީ ގުރޭޑް 12އަށް ހެދުން. 23 ސްކޫލެއްގައި މި ފަށަނީ މި އަމާޒަށް ވާޞިލްވުމަށް ކުރަން ޖެހޭ މަސައްކަތް” ޑރ. އަޙްމަދު ވިދާޅުވިއެވެ.
ރާއްޖޭގެ ގާނޫނުގައި އުމުރުން 18 އަހަރު ނުފުރޭހާ ހިނދަކު ކުޑަކުދިންގެ ގޮތުގައި ބަލާކަން ފާހަގަ ކުރައްވައި އޭނާ ވިދާޅުވީ، އެ އުމުރާ ހަމައަށް އަންނަން ދެން ކުދިން ސްކޫލުގެ މާހައުލުގެ ތެރޭގައި ބައިތިއްބައިގެން، އެ ކުދިން ތަރަައްގީ ކުރެވޭނެ ގޮތްތައް ބަލަން ޖެހޭ ކަމަށެވެ.
Leave a Reply