“މަވައްދަތު” ގެ ނަމުގައި ބާއްވާ ފުރަތަމަ ފޯރަމް މާދަމާ ރޭ ބާއްވަނީ

އިސްލާމީ ކަންތައްތަކާ ބެހޭ ވުޒާރާއާއި ފެމެލީ ކޯޓާ ގުޅިގެން ކާވެންޏާ ޢާއިލީ ގުޅުންތަކާ ބެހޭ ގޮތުން ރައްޔިތުން ހޭލުންތެރި ކުރުމުގެ ގޮތުން “މަވައްދަތު” ނަމުގައި  ސިލްސިލާ ފޯރަމްތަކެއް ބޭއްވުމަށް ނިންމައިފިއެވެ. މިގޮތުން ބާއްވާ ފުރަތަމަ ފޯރަމަ މިމަހުގެ 16ވާ ހުކުރު ދުވަހުގެ ރޭ (މާދަމާ ރޭ) 8.30 ން 10.00ށް އިސްލާމީ މަރުކަޒުގެ ޖަލްސާ ކުރާ މާލަމުގައި ބާއްވަން ނިންމަވައިފިއެވެ. ފުރަތަމަ ފޯރަމްގެ މަޢުލޫޢު އަކީ  “ކާވެނީގެ ކުރީން” އެވެ. ފޯރަމުގައި މަޢުލޫމާތު ދެއްވާނީ ދިވެހި ރާއްޖޭގެ އިސްލާމިކް ޔުނިވަރ ސިޓީގެ ވައިސް ޗާންސެލަރ ޑރ ޢަލީ ޒާހިރު ބިން ސަޢީދު ޤާސިމްއެވެ. މި ފޯރަމްގައި ބައިވެރުމަށް ބޭނުންފުޅު ފަރާތްތަކުން ފުރުއްވަން ޖެހޭ ފޯމެއް އިސްލާމީ ކަންތައްތަކާ ބެހޭ ވުޒާރާގެ ފޭސް ބުކް ޕޭޖްގައި ޕޯސްޓް ކުރައްވާފައި ވެއެވެ.

ރާއްޖޭގެ އިޖްތިމާޢީ އެތައް މައްސަލަތަކެއް ފެށިގެން އަންނަނީ އާއިލާގެ ތެރެއިން ކަމަށް ޤާބޫލް ކުރަން ޖެހެއެވެ. ރަގަޅު ޢާއިލާއެއް ބިނާ ކުރުމަށް އެޅޭ  ފުރަތަމަ ބިންގަލަކީ ރަގަޅު ކާވެންޏެއް ކުރުން ކަމަށްވާތީ ކާވެނީގެ ކުރީން ރަގަޅު ޞާލީހް އަންހެނެއް ނުވަތަ ފިރިހެނެއް އިޚްތިޔާރު ކުރުމަކީ މިއަދުގެ ޒުވާން ޖީލުގެ ކޮނޑުގައި އެޅިފައިވާ ވަރަށްވެސް މުޙިއްމު މަސްއޫލިއްޔަތެއް ކަމުގައި ދެކެމެވެ.

އިބްރާހިމް ޙަސަން