ޗެރިޓީ އެސޯސީއޭޝަން އޮފް މޯލްޑިވްސް ނަމުގައި މިނިސްޓްރީ އޮފް ޔޫތު އެންޕަވަރމަންޓް އެންޑް އިންފޮމޭޝަން އެންޑް އާރޓްސްގައި ޖަމްޢިއްޔާއެއް ރަޖިސްޓްރީ ކޮށްފިއެވެ. މިޖަމްއިއްޔާގެ މައިގަޑު މަޤްޞަދަކީ އިސްލާމް ދީނުގެ ވަހުދަތު ދިރުވާ އާލާކޮށް އިސްލާމްދީނަށް ރައްޔިތުންގެ ލޯބި އިތުރުކޮށް ހޭލުން ތެރިކުރުން ކަމަށް އެޖަމްއިއްޔާގެ މުއައްސިސުން މައުލޫމާތު ދެއްވައެވެ. މިގޮތުން ފަރުޟު ފަސްނަމާދު ފަސޭހައިން ކުރެވޭނެ ފަދަ ތަންތަނާއި މިސްކިތްތައް ބިނާކުރުމާއި ރަށްރަށުގެ މިސްކިތްތައް އާބާތުރަ ފިލުވާ ދިނުމާއި ދީނީ ހޭލުން ތެރިކަން އިތުރުކުރުމުގެ ޚާއްޞަ ޕްރޮގްރާމް ހިންގުމަށް ހަމަ ޖެހިފައި ވާކަމަށް ޖަމްއިއްޔާގެ ފަރާތުން މައުލޫމާތު ދެއްވައެވެ. މިޖަމްއިއްޔާގެ ހަރަކާތްތައް ވަރަށް އަވަހަށް އަތޮޅު ތެރޭގެ ރަށްރަށުގައި ފެށިގެން ދާނެކަމަށް އެޖަމްއިއްޔާ މައުލޫމާތު ދެއެވެ. މިޖަމްއިއްޔާއިން އިސްލާމްދީނަށްޓަކައި ކުރާ މަސައްކަތުގައި އެހީތެރިވެ ދެއްވުމަށް އާއްމުކޮށް ހުޅުވާލެވިފައި ވާކަމަށްވެސް މައުލޫމާތު ދެއްވައެވެ.
Leave a Reply