އެމެރިކާގެ އިންތިހާބީ ރައީސް ޑޮނަލްޑް ޓްރަމްޕް އެ ގައުމުގެ ސެކިއުރިޓީޒް ރެގިއުލޭޓަރުގެ އިސްވެރިއަކަށް ކްރިޕްޓޯ އަށް ތާއީދުކުރައްވާ ބޭފުޅަކު އައްޔަންކުރަން ނިންމެވުމާ އެކު ވިޔަފާރިވެރިންގެ އުންމީދު ބޮޑުވެ ބިޓްކޮއިންގެ އަގު ފުރަތަމަ ފަހަރަށް މިއަދު 100،000 ޑޮލަރަށްވުރެ މައްޗަށް އަރައިފި އެވެ.
މި މަހުގެ ފަސް ވަނަ ދުވަހު ޓްރަމްޕް ރައީސް ކަމަށް އިންތިހާބުވުމާ އެކު ކްރިޕްޓޯކަރަންސީގެ އަގު އުފުލެމުން ގޮސް 103،800 ޑޮލަރަށް ވަނީ އަރައިފަ އެވެ. މިއީ މިހާތަނަށް ބިޓްކޮއިންގެ އަގު ނުދާހާ މައްޗެވެ.
މިއީ އެމެރިކާއަކީ “ދުނިޔޭގެ ބިޓްކޮއިން އަދި ކްރިޕްޓޯކަރަންސީ ކެޕިޓަލް” އަކަށް ހެދުމަށް ވެފައިވާ ވައުދާ އެކު އައި ބަދަލެވެ.
ބިޓްކޮއިންގެ ޑިޖިޓަލް ޔުނިޓެއްގެ އަގު ޓްރަމްޕުގެ އިންތިހާބަށް ފަހު 50 ޕަސެންޓަށް ވުރެ މައްޗަށް އަރާފައިވާއިރު، އަހަރު ނިމުނު ފަހުން 140 ޕަސެންޓް ވަނީ އުފުލިފަ އެވެ.
ނަމަވެސް ފާއިތުވި ހަފުތާތަކުގައި މި ކުރިއެރުން ހުއްޓި، 100،000 ޑޮލަރަށް ވުރެ ދަށުގައި ހުއްޓެވެ. އެކަމަކު ސެކިއުރިޓީޒް އެންޑް އެކްސްޗޭންޖް ކޮމިޝަންގެ ޗެއާގެ މަގާމަށް ކްރިޕްޓޯ ކަރަންސީ ޕްރޮމޯޓްކުރައްވާ ޕޯލް އެޓްކިންސް ހަމަޖައްސަވާނެ ކަމަށް ޓްރަމްޕް ކުރެއްވި އިޝާރާތާ އެކު ކުއްލިއަކަށް އަގު އަރައިގެން ދިޔައީ އެވެ.
މިހާރު އެ މަގާމުގައި ހުންނެވި ގެރީ ޖެންސްލާ ވަނީ ކްރިޕްޓޯކަރަންސީ ސެކްޓައަށް އުނދަގޫވާ ސިޔާސަތުތަކެއް އިސްކޮށްފަ އެވެ.
Leave a Reply