ބަޤާ އަލް ޣަރބިއްޔާ: 1948 ވަނަ އަހަރުގެ ނަކްބާއަށްފަހު، އިސްރާއީލުގެ ރަށްވެހިކަން ލިބިފައިވާ “ގްރީން ލައިން” ސަރަހައްދުގައި ދިރިއުޅޭ ފަލަސްތީނުގެ ރައްޔިތުންނަށް ޙައްޖުގެ މާތް އަޅުކަން އަދާކުރުމުގައި އާދަޔާ ޚިލާފު ގޮންޖެހުންތަކަކާ ކުރިމަތިލާން ޖެހުނެވެ. ނަމަވެސް، މި ހާލަތަށް ބަދަލުތަކެއް އަންނަން ފެށީ 1970 ގެ އަހަރުތަކުގެ ފަހުކޮޅުގައެވެ.
އެގޮތުން ބަޤާ އަލް ޣަރބިއްޔާގައި ހުންނަ އެކަމަނާގެ ގެކޮޅުން ނުކުމެވަޑައިގެން، ޑޮކްޓަރ އަސްމާ ނާދިރު ޣަނަޔަމް މިހާރު ވަނީ ސައުދީ އަރަބިއްޔާއަށް އޭނާގެ ފުރަތަމަ ޙައްޖު ދަތުރު ފައްޓަވާފައެވެ. ޖޯރޑަން މަގުން ވައިގެ މަގުން ދަތުރުކުރައްވައި ހިޖާޒް ސަރަޙައްދަށް އަވަހަށް ވާޞިލުވުމަށް އުންމީދުކުރައްވާ ޣަނަޔަމް، ޙައްޖަކީ ހަމައެކަނި ޖިއޮގްރަފިކަލް ދަތުރެއް ނޫން ކަމަށާއި، އެއީ މީހަކު އަލުން އުފަންވާ ކަހަލަ އިހްސާސެއް ކުރެވޭ ފަދަ ރޫޙާނީ ތަޖުރިބާއެއް ކަމަށެވެ. އަދި މިއީ އިސްލާމީ ޝަޚްޞިއްޔަތު ވަރުގަދަކުރުމަށް ލިބޭ މުހިންމު ފުރުސަތެއްގެ ގޮތުގައި އެކަމަނާ ސިފަކުރެއްވިއެވެ.
ފަލަސްތީނުގެ 48 ގެ ރައްޔިތުންނަށް ޙައްޖުގެ ފުރުސަތު ހުޅުވިގެން ދިޔައީ 1978 ވަނަ އަހަރުއެވެ. މިކަން ހަމަޖެހުނީ އިސްލާމީ ޙަރަކާތުގެ ކުރީގެ ލީޑަރު ޝެއިޚް ޢަބްދުالله ނިމީރު ދަރްވިޝް އާއި އުރުދުންގެ މިނިސްޓްރީ އޮފް އެންޑޯމެންޓްސްއާ ދެމެދު ކުރެވުނު މަޝްވަރާތަކެއްގެ ނަތީޖާއެއްގެ ގޮތުންނެވެ. އޭރު އުރުދުންގެ ރަސްގެފާނު ޙުސައިން ބިން ޠަލާލް ވަނީ ފަލަސްޠީނުގެ ޙައްޖާޖީންގެ ކަންކަން ބެލެހެއްޓުމުގެ ޒިންމާ އުރުދުންއާ ހަވާލުކުރެއްވުމަށް އެއްބަސްވެވަޑައިގެންފައެވެ.
1948 ވަނަ އަހަރުގެ ހައްޖު އެންޑް އުމްރާ އެސޯސިއޭޝަންގެ ކުރީގެ ތަރުޖަމާން ޢަބްދުއްރަހީމް ފަޤްރާ ވިދާޅުވި ގޮތުގައި، މި ރައްޔިތުން ސައުދީއަށް ދަތުރުކުރަނީ އުރުދުންގެ ވަގުތީ ޕާސްޕޯޓެއްގައެވެ. އަދި ކޮންމެ އަހަރަކު 4،500 ގޮނޑި މި މީހުންނަށް ކަނޑައަޅާފައިވާއިރު، އެކޮމޮޑޭޝަނާއި ޓްރާންސްޕޯޓުގެ ހުރިހާ އިންތިޒާމެއް ބަލަހައްޓަނީ އުރުދުންގެ އެންޑޯމެންޓްސް މިނިސްޓްރީގެ ދަށުންނެވެ.
މި ދަތުރުތަކުގެ އިދާރީ ކަންކަމާ ގުޅޭގޮތުން ނާޒިހް އަބޫ މުޚް ވިދާޅުވީ، އުމްރާ ދަތުރުތައް މުޅި އަހަރު ދުވަހު ކުރިއަށްދާ ކަމަށާއި، 5 ތަރީގެ ހޮޓަލެއްގައި 10 ދުވަހުގެ އުމްރާ ދަތުރަކަށް ގާތްގަނޑަކަށް 2000 އެމެރިކާ ޑޮލަރު ޚަރަދުވާ ކަމަށެވެ. ޙައްޖުގެ އަގުތައް ކަނޑައެޅެނީ ހޮޓާތަކުގެ ފެންވަރާއި މައްކާގެ ހަރަމްފުޅާ ހުރި ދުރުމިނަށް ބަލައިގެންނެވެ.
ޙައްޖުވެރިންނަށް ދީނީ އިރުޝާދު ދިނުމަށްޓަކައި، ފަލަސްޠީނުގެ އިސްލާމީ ކައުންސިލް ފޮރ ފަތުވާސް އިން ގެންދަނީ ޚާއްޞަ ލެކްޗަރުތަކާއި ފިލާވަޅުތައް އިންތިޒާމުކުރަމުންނެވެ. ކައުންސިލްގެ ވެރިޔާ ޝެއިޚް ޑރ. މަޝްހޫރު ފަވާޒް ވިދާޅުވީ، ޙައްޖުވެރިންނަށް ޝަރުޢީ ޙުކުމްތައް އޮޅުންފިލުވައިދީ، ފަސޭހަކަމާއެކު އަޅުކަން އަދާކުރެވޭނެ މަގު ދެއްކުމަކީ އެ ކައުންސިލްގެ އެންމެ ބޮޑު މަޤްޞަދު ކަމަށެވެ.
މިއަދު ވެސް ފަލަސްތީނުގެ 48 ގެ ރައްޔިތުންނަށް ޙައްޖާއި އުމްރާއަކީ އެމީހުންގެ އިސްލާމީ އަސާސްތަކާއި ޘަޤާފީ ގުޅުންތައް ދެމެހެއްޓުމަށް އޮތް އެންމެ މުހިންމު ފާލަމެވެ.
Leave a Reply