އަވަހާރަކޮށްލިތާ އަހަރެއް ފަހުން ނޫސްވެރިޔާ އަދި އަލްޖަޒީރާގެ މުވައްޒަފު އަނަސް އަލް ޝަރީފް އެނބުރި އަންނަނީ ޣައްޒާގެ އެންމެ ކުރީކޮޅަށް ، ދަނޑުން ގެއްލިގެން ދިޔަ ނަމެއްގެ ގޮތުގަ އެވެ.
2025 ވަނަ އަހަރުގެ އޮގަސްޓް މަހުގެ 10 ވަނަ ދުވަހު ޣައްޒާ ސިޓީގެ އަލް ޝިފާ މެޑިކަލް ކޮމްޕްލެކްސް ކައިރީގައި ހުރި ނޫސްވެރިންގެ ޓެންޓަކަށް އަމާޒުކޮށްގެން އިސްރާއީލުން ދިން ވައިގެ ހަމަލާއެއްގައި އަލް ޝަރީފް އަވަހާރަކޮށްލީ އަލްޖަޒީރާގެ މުވައްޒަފު މުހައްމަދު ޤާރީގާ އާއި ފޮޓޯގްރާފަރުން ކަމަށްވާ އިބްރާހިމް ދާހިރާއި މުހައްމަދު ނޮފާލް އަދި އެކުވެރިން ކަމަށްވާ މުއުމަން އަލީވާ އާއި މުހައްމަދު އަލް ޚާލްދީއާ އެކުގަ އެވެ.
އެމީހުން އަވަހާރަކޮށްލިތާ ފުރަތަމަ އަހަރީ ދުވަސް ކައިރިވަމުން ދިޔައިރު، ސޯޝަލް މީޑިއާ ޕްލެޓްފޯމްތަކުގައި ނޫސްވެރިންނާއި އެކްޓިވިސްޓުން ވަނީ އަނަސް އާއި އޭނާގެ އެކުވެރިންގެ ފޮޓޯތަކާއި އެމީހުންގެ ކަވަރޭޖާއި ސްޓޭންސްތައް ހަނދާންކޮށްދީ، އެމީހުންގެ ހަނދާން އާލާކޮށް، ހަނގުރާމައާއި ފަލަސްތީނުގެ ތަކުލީފުގެ ތަފްސީލުތައް ދުނިޔެއަށް ފޯރުކޮށްދިނުމުގައި އަދާކުރި ދައުރު ހަނދާންކޮށްދީފަ އެވެ.
ނޫސްވެރިޔާ އުސާމާ އަބޫ ރާބީއާ ބެހޭގޮތުން ބުނާނަމަ، އެއްތަނެއްގައި މަރާލި ހަ ނޫސްވެރިންގެ ނަން ހަނދާންކޮށް، ދުނިޔެއަށް ހިނގަމުންދާ ކަންތައްތައް ފޯރުކޮށްދިނުމަށް ކެމެރާއާއި ބަސްތައް ހިފައިގެން ތިބި ހަ އަޑެއް އެދުވަހު ޣައްޒާއަށް ގެއްލުނު ކަމަށާއި، އެމީހުންގެ ހަށިގަނޑު ނެތިގެން ދިޔަ ނަމަވެސް ދޫކޮށްލާފައިވާ އެއްޗެއް ހުރި ކަމަށެވެ.
ނޫސްވެރިޔާ އަހުމަދު ހަމްދާން ވެސް ހަނގުރާމައިގެ އެންމެ އުނދަގޫ މަރުހަލާތަކުގައި އަނަސްގެ ޝަޚުސިއްޔަތުގެ ބައެއް ހަނދާންކޮށް، ގިނަ ބަޔަކު ފުރަން މަޖުބޫރުވި އިރު ޣައްޒާގެ އުތުރުގައި ހުރިކަން ފާހަގަކުރެއްވި އެވެ.
ހަމްދާން ވާހަކަ ދެއްކީ އެދެމީހުންގެ މެދުގައި ހިނގި ވާހަކައެއްގެ ވާހަކަ، ބްރޭކެއް ނަގަން އެދުމުން، އަނަސް އޭނާ ގާތު ބުނީ “ހުވާކުރަން އަހަރެން ވަރުބަލިވެއްޖެ އަހުމަދު… އަހަރެން ބޭނުންވަނީ އަރާމުކޮށްލަން.” މިއީ ހަނގުރާމައިގެ ދުވަސްވަރު އޭނާއަށް ތަޖުރިބާކުރެވުނު ކަންތައްތަކުގެ ބޮޑުމިން ޚުލާޞާކޮށްދޭ އެންމެ އިންސާނީ އެއް ވަގުތުކޮޅުގެ ގޮތުގައި މިއަދު އޭނާގެ އެކުވެރިން ހަނދާންކުރާ ބަސްތަކެކެވެ.
އޭނާ އިތުރަށް ބުނީ އަނަސް “އަޑު ގަދަވެގެން ދިޔައީ” ކަމަށާއި، އެ ހިތާމަވެރިކަމުގެ ބޮޑުމިން ނުފެންނަ ކަމަށް ބުނާ ދުނިޔެއަކަށް ވާގޮތް ފޯރުކޮށްދޭން މަސައްކަތް ކުރަމުން ދިޔަ ފަހުން ކަމަށެވެ.
އަދި އަލްޝަރީފްގެ ކުރީގެ ހެކިބަހެއް ވެސް އެކްޓިވިސްޓުން އަލުން ޝާއިއުކޮށް، އޭނާގެ ކަވަރޭޖުގެ ސަބަބުން އޭނާއަށް އަމާޒުކޮށްގެން ކުރިއަށް ގެންދިޔަ ކެމްޕޭންތަކާ ބެހޭ ގޮތުން ވާހަކަ ދެއްކެވި އިރު، އުތުރު ޣައްޒާގައި ހިސާރުކުރުމުގެ ޖަރީމާތަކާ ބެހޭ ގޮތުން އޭނާ ބްރޯޑްކާސްޓް ކުރި ތަސްވީރުތަކުން ކައުންޓަރ ކެމްޕޭންތަކާއި އިސްރާއީލު ސިފައިން ޝާއިއުކުރި ކަންތައްތައް ޕްރޮމޯޓްކުރާ ޝައްކު ކުރެވޭ ވާހަކަތައް އުފެއްދި ކަމަށް ބުނެފައިވެ އެވެ.
Leave a Reply