ރާއްޖޭގައި ހިންގަމުން އަންނަ ކޮލެޖުތަކަށް، ޔުނިވާސިޓީގެ ދަރަޖަ ދިނުމުގެ ޝަރުޠު ލުއިކޮށް މަތީ ތަޢުލީމުގެ ޤާނޫނަށް މިއަދުވަނީ އިސްލާހު ހުށަހަޅާފައެވެ. މާފަންނު އުތުރުދާއިރާގެ މެމްބަރު ޢަބްދުﷲ ރިފާޢު (ބޮޗޭ) ހުށަހަޅާފައިވާ މިއިސްލާހުގައިވާގޮތުން އުނިވާސޓިއެއްގެ ދަރަޖަ ދެވޭނީ ކޮލެޖެއްގެ ގޮތުގައި މަދުވެގެން މެދުކެނޑުމެއްނެތި 15 އަހަރު ހިންގާފައިވާ ކޮލެޖްތަކަށްކަމުގައި ބުނެއެވެ.
އެޤާނޫނުގައި މިހާރު އޮންނަނީ ޔުނީވާސިޓީއެއްގެ ދަރަޖަދެވޭނީ 20 އަހަރުކަމުގައެވެ.
މި ބިލަށް ބަހުސްކުރެއްވި އިދިކޮޅު މެމްބަރުންގެ ތުހުމަތުތައް ވީލާ ކުންފުނީގެ ވެރިޔާއަށް ކުރިއިރު މިއިސްލާހާގުޅިގެން ބަދަލުވެގެންދާނީ ހަމައެކަނި ވިލާކޮލެޖް ނޫންކަން ފާހަގަ ކޮށްލަންޖެހެއެވެ. ސައިރިކްސް ، ކްލިކް އަދި އެވިޑް ކޮލެޖުވެސް މިއަރުތެރޭގައި މި އިސްލާހުގައި ބުނާ މުއްދަތު ހަމަވެގެންދާނެއެވެ.
މި އިސްލާހާ ގުޅިގެން ވާހަކަދައްކަވަމުން ވައިކަރަދު ދާއިރާގެ މެމްބަރު ޙުސެއިން ޒިޔާދު (ފިއްޓޭ) ވިދާޅުވީ މިއީ ޤާނޫނަށް ގެނައި އިސްލާހަކަށް ވުރެ ބޮޑަށް ވައްތަރީ ވަކިބޭފުޅަކަށް ފަހާފައިވާ ކޯޓަކާ ކަމަށެވެ.
ކުރީގެ މަޖިލީހުން މުއްދަތު ކުރުނުކޮށްއޮތީ ޔުނިވާސިޓީގެ ހައިބަތު ހިފެހެއްޓެވުމުގެ ގޮތުންކަމުގައި ޒިޔާދުވިދާޅުވިއެވެ.
މި އިސްލަހުވަނީ އެމްޑީޕީގެ ފަރާތުން 19 ވަނަ މަޖިލީހަށްވެސް ހުށަހަޅާފައެވެ. އެހެންނަމަވެސް އޭރު އޮތީ މުއްދަތު 10 އަހަރަށް ބަދަލުކުރުމަށެވެ. ނަމަވެސް ކޮމިޓީ މަރުޙަލާގައި އެ އިސްލާހުވަނީ ފާސްނުވެފައެވެ.
Leave a Reply