ވަގަށް ނަގައި ސައިކަލު ދުއްވި ކަމުގެ ކުށް ސާބިތުވި މީހެއްގެ މައްޗަށް ކްރިމިނަލް ކޯޓުން މިއަދު ހުކުމްކޮށްފި އެވެ.
މި ވައްކަން ކޮށްފައިވަނީ މިއަހަރުގެ ޖެނުއަރީ މަހުގެ 10 ވަނަ ދުވަހު މާލޭގައި ހުންނަ ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ)ގެ ހެޑް އޮފީސް ކައިރިންނެވެ.
ކުށް ސާބިތުވެފައިވާވަނީ ދޮންވެލި/ރ. ކަނޑޫދޫ އަހުމަދު އިރޫޝާން މއްޗަށްށެވެ. މިނާ ވަނީ އާރުޑީސީ ކައިރިން ފެހިކުލައިގެ ހޮންޑާ ކުބިކްސް އެއް ވަގަށް ނެގުމަށްފަހު އެ ކުބިކްސް އަށް އަރައިދުއްވާފައެވެ. ދަޢުލަތުން އޭނާ މައްޗަށް ދަޢުވާކުރަނީ ގާނޫނާ ހިލާފަށް މީހެއްގެ އަމިއްލަ މުދާ ގެންގުޅުމާއި ބޭނުންކުރުމުގެ ދަޢުވާއެވެ.
ޝަރީއަތުގެ އިބްތިދާއީ އަޑުއެހުމުގައި އިރޫޝާން ވަނީ އެ ކުށަށް އިއުތިރާފުވެފަ އެވެ. އޭނާގެ އިއުތިރާފުން މައްސަލަ ފާސްޓް ޓްރެކް ޝަރީއަތެއްގައި ކުރިއަށް ގެންދިއުމުގެ ފުރުސަތު ލިބުނުއިރު، ކްރިމިނަލް ކޯޓުން ވަނީ އޭނާގެ އިއުތިރާފުން ކުށް ސާބިތުވާވަރަށް ވެފައިވާކަމަށް ކަނޑައަޅާފަ އެވެ.
ކުށްވެރިޔާގެ މައްޗަށް ދެ އަހަރަށް ޖަލަށް ލުމަށް ހުކުމް ކުރި ނަމަވެސް އޭނާ ބަންދުގައިވާ މުއްދަތު އުނިކުރުމުން އެއް އަހަރާއި 11 މަހާއި 14 ދުވަހުގެ މުއްދަތަށް ޖަލަށް ލާނެ އެވެ.
Leave a Reply