މާލެ’ ސިޓީގެ ގެއަކުން ފިހާރައެއްގައި ތަކެތި އަތުރާފައި ހުރި ފަދައިން އެތައް ވައްތަރެއްގެ މަސްތުވާތަކެތި ފެނިފައިވާ ކަމަށް ފުލުހުން ބުނެފިއެވެ.
މި އޮޕަރޭޝަނުގައި ފުލުހުންގެ ބެލުމުގެ ދަށަށް ގެންގޮސްފައިވަނީ މީގެ ކުރިން ކުށުގެ ރެކޯޑް އޮންނަ 27 އަހަރުގެ ދިވެހި ފިރިހެނެކެވެ. އޭނާގެ މައްޗަށް އުފުލާފައިވަނީ ކެނަބިސް ޓްރެފިކް ކުރުމުގެ ދައުވާއާއި ކެނަބިސް ބޭނުންކުރުމުގެ ދައުވާގެ އިތުރުން މަސްތުވާތަކެތީގެ އިތުރު ދެ ދައުވާއެކެވެ. މިމީހާގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން ވަނީ ޝަރީއަތް ނިމެންދެން ބަންދުގައި ބެހެއްޓުމަށް އަމުރުކޮށްފައެވެ.
ހައްޔަރުކުރުމުގެ އަމުރުގެ ރިޕޯޓުގައިވާ ގޮތުން އެ ގެއިން ގިނަ އަދަދެއްގެ މަސްތުވާތަކެތި ފެނިފައިވެއެވެ. މި ރޭޑްގައި ޝައްކު ކުރެވޭ މީހާ އޭނާގެ ފޯނު ފުލުހުންނަށް ދިނުމަށް ރުހުން ދިން ނަމަވެސް ހެކިތަކަށް ހުރަސް އެޅުމުގެ ގޮތުން ލޮކް ކޯޑްތައް ފޯރުކޮށްދީފައި ނުވެއެވެ.
Leave a Reply