“އަލިފު”
އާބާދީގައި 4.7 މިލިއަން ވުރެ ގިނަ މީހުން ހިމެނޭ އެފްރިކާގެ ޤައުމެއް ކަމުގައިވާ ކެންޔާގައި މިހާރު ހިނގަމުން ދާ ހަމަ ނުޖެހުން ތަކާއި ގުޅިގެން އެގައުމުގެ ޕޮލިސް ޗީފް ޖަފަތު ކޫމޭ އިސްތިއުފާ ދީފިއެވެ. ކެންޔާގެ ޤާނޫނު ހަދާ މަޖިލީހުން ފާސްކުރި ޓެކްސާއި ބެހޭ ޤާނޫނާ ގުޅިގެން ރައްޔިތުން މަގުމައްޗަށް ނުކުމެ ހަމަ ނުޖެހުން ހިންގާތާ މިހާރު ގާތްގަޑަކަށް ދެހަފްތާއަށް ވުރެ ގިނަ ދުވަސް ވެއްޖެއެވެ. މުޒާހަރާގެ ތެރެއަށް ބަޑިޖަހާ ދިހަ މީހަކު މަރާލުމާއި އަދި އަދި މުޒާހަރާގެ ބައިވެރިން ވަގަށް ނެގުމުގެ ތުހުމަތު ޕޮލިސް ޗީފް ޖަފަތު ކޫމޭ މައްޗަށް ކުރެވެއެވެ. އޭނާ އިސްތިއުފާ ދީފައި މިވަނީ މުޒާހަރާގެ ބައިވެރިންގެ ޕްރެޝަރާ ހެދި ރައީސް ވިލިއަމް ރޫޓޯގެ ކެބިނެޓްގައި ހިމެނޭ ގިނަ މެމްބަރުން ތަކެއް ވަކި ކުރިތާ 24ގަޑިއިރު ފަހުންނެވެ.
ޤާނޫނު ހަދާ މަޖިލީހުން ފާސްކުރި ޓެކްސާއި ބެހޭ ޤާނޫނާ ގުޅިގެން ކެންޔާގެ ޒުވާނުން އިސްނައިގެން ފަށާފައިވާ މުޒަހާރާ ހޫނުވެ ކެންޔާގެ ޤާނޫނު ހަދާ މަޖިލީހަށް މުޒާހާރަގެ ބައިވެރި ވަދެ ޤާނޫނު ހަދާ މަޖިލީހުގެ ބައެއް ތަކެއްޗަށް ވެސް ބޮޑެތި ގެއްލުންތަކެއް ދީފައިވެއެވެ. މަޖިލީހުގެ އިދާރާއަށް ވަން މުޒާހާރާގެ ބައިވެރިން ނެރެފައި ވަނީ ފުލުހުން ބާރުގެ ބޭނުން ކޮށްގެންނެވެ. ރައީސް ރޫޓޯ ބިލް އަނބުރާ ގެންދެވި ނަމަވެސް ރައްޔިތުން ގޮވަމުން ގެންދަވަނީ އޭނާ އިސްތިއުފާ ދިނުމަށެވެ. ހުކުރު ދުވަހު ވެރިރަށް ނައިރޯބީގެ މަގުމަތީގައި ބަހައްޓާފައި ހުރި ކުނިކޮތަޅަކުން މަރުވެފައިވާ ހަށިތައް ފެނިފައި ވާކަމަށް އިންސާނީ ޙައްޤުތަކަށް މަސައްކަތް ކުރާ ފަރާތްތަކުން ބުނެފައިވެއެވެ. އަދި އެއީ މުޒާހާރާ ގުޅުމެއް އޮތް ބައެއްކަން ނުވަތަ ނޫން ކަން ކަށަވަރު ކުރެވިފައެއް ނުވެއެވެ.
Leave a Reply