އިތިއޯޕިއާގެ ދެކުނުގެ ދުރު ސަރަހައްދެއްގައި ބިންގަނޑު ކަނޑައިގެން ދިއުމުގެ ސަބަބުން 55 މީހުން މަރުވެފައިވާ އިރު، މަރުވި މީހުންގެ އަދަދު އިތުރުވެދާނެ ކަމުގެ އިންޒާރު އެގައުމުގެ ކަމާބެހޭ ފަރާތްތަކުން ދީފި އެވެ.
ގޯފާ ޒޯން ކޮމިއުނިކޭޝަންސް އެފެއާޒް ޑިޕާޓްމަންޓުން ހޯމަ ދުވަހު ނެރުނު ބަޔާނެއްގައި ބުނެފައި ވަނީ ބިންގަނޑު ކަނޑައިގެން ދިއުމުގެ ސަބަބުން 55 އަށް ވުރެ ގިނަ މީހުންގެ ހަށިގަނޑު ފެނިފައިވާ ކަމަށެވެ.
ޑަގްމާވީ ވިދާޅުވީ ފުރަތަމަ ބިންގަނޑު ކަނޑައިގެން ގޮސްފައިވަނީ ޖީއެމްޓީ ގަޑިން 07:00 ހާއިރު ދުރު ސަރަހައްދަށް ބޯކޮށް ވާރޭ ވެހުމާ ގުޅިގެން ކަމަށެވެ.
އަދި ސަލާމަތްވި މީހުން ހޯދުމުގެ މަސައްކަތް ވަރަށް ބާރަށް ކުރިއަށްދާ ކަމަށް އޭނާ ވިދާޅުވި އެވެ.
“އިއްޔެ ރޭ ބޯކޮށް ވާރޭ ވެހި، ބިންގަނޑު ކަނޑައިގެން ދިއުމުގެ ސަބަބުން ބައެއް މީހުން މަރުވި،” ދެކުނު އިތިއޯޕިއާ ސަރަހައްދީ ސްޓޭޓްގެ ގޯފާ ޑިސްޓްރިކްޓްގެ ސަރުކާރުގެ ތަރުޖަމާނު ކަސަހުން އަބައިނޭހް ވިދާޅުވި އެވެ.
ސޯސް: ޓީއާރްޓީ ވޯލްޑް
Leave a Reply