ދެކުނު އޭޝިއާ ސަރަހައްދުގެ އެންމެ ބާރުގަދަ ޕާސްޕޯޓުގެ މަގާމު ދިވެހި ޕާސްޕޯޓުން ދަމަހައްޓައިފި އެވެ.
ވިސާއާ ނުލައި 94 ގައުމަކަށް ދަތުރު ކުރުމަށް ދިވެހި ޕާސްޕޯޓް ބޭނުން ކުރެވޭނެ އެވެ.
ހެންލީ އެންޑް ޕާޓްނާސް އިން އެންމެ ފަހުން އާންމުކުރި ޕާސްޕޯޓް އިންޑެކްސްގައިވާ ގޮތުން މިދިޔަ އަހަރު 61 ވަނައިގައި އޮތް ރާއްޖޭގެ ޕާސްޕޯޓް ވަނީ މި އަހަރުގެ ރޭންކިންގައި ނުވަ ދަރަޖަ އިގެ ކުރިއެރުމެއް ހޯދާފަ އެވެ.
82 ވަނައިގައި އޮތް އިންޑިއާގެ ޕާސްޕޯޓަކީ ދެކުނު އޭޝިއާގެ ގައުމުތަކުގެ ތެރެއިން ދެވަނައަށް އެންމެ ބާރުގަދަ ޕާސްޕޯޓެވެ. ތިން ވަނައިގައި 87 ވަނައިގައި ބޫޓާން އޮތްއިރު ސްރީލަންކާ 93 ވަނައިގައި، ބަންގްލަދޭޝް 97 ވަނައިގައި އަދި ނޭޕާލް އޮތީ 98 ވަނައިގަ އެވެ.
މިއަހަރު ދުނިޔޭގެ ރޭންކިންގެ އެއްވަނައިގައި ސިންގަޕޫރު އޮތީ ޖަޕާން ފަހަތަށް ޖައްސާލައިގެންނެވެ. ސިންގަޕޫރުގެ ޕާސްޕޯޓް ހޯލްޑަރުންނަށް 195 ގައުމަކަށް ވިސާ އާ ނުލައި ދަތުރު ކުރެވޭނެ.
Leave a Reply