އަންހެން ކުއްޖަކު އޭނާގެ މަންމަ ގާތުން ޒިނޭކުރުމުގެ ހުއްދައަށް އެދުނެއެވެ. އެހިނދު މަންމަ ނުހަނު ލޮތްބާއި ކުލުނާއެކު އެއީ ދީނީގޮތުން ވަރަށް ބޮޑު ޙަރާންކަމެއްކަމާއި ކިހާވަރެއްގެ ހަޑިމުޑުދާރު ޢަމަލެއްކަން ވިސްނަދެވޭތޯ މަސަތްކަތްކުރިއެވެ. ނަމަވެސް އެއަންކުއްޖާ އޭނާގެ ޙިޔާލު ދޫކުރާގޮތެއް ނުވިއެވެ. އެންމެ ފަހުން މަންމަ ބުނީ ވަކި ޝަރުތެއްގެ މަތީން ހުއްދަދެވިދާނޭ ކަމުގައެވެ. އެ ޝަރުތަކީ މަންމަ ބުނާ ކަންތައްތަކެއް ކޮށްދިނުން ކަމުގައި ބުންޏެވެ. ދެން އަންހެންކުއްޖާ ވަރަށް އުފަލުން އެކަމާ ޤަބޫލުވެ ކޮށްދޭންވީ ކޮންކަމެއްތޯ ސުވާލުކުރިއެވެ. މަންމަ އެނދުނީ މާދަން ހެދުނުހެދުނާ ރަސްގެފާނު ގަނޑުވަރުން ނުކުމެވަޑައިގަންނަވާ ވަގުތު ގަޑުވަރު ދޮރުކުރިމަތީ ހުރުމަށެވެ. އަދި ރަސްގެފާނު ނުކުމެވަޑައިގަންނަވާން ފެށުމުން ހޭނުތީ ކަމަށް ހެދިފައި ބިންމައްޗަށް ވެއްޓިގަތުމަށެވެ.
އަންހެންކުއްޖާ އަނެއްދުވަހު އިރުއަރާއިރަށް ނިކަން ނަލަހެދިފައި ގޮސް ރަސްގެފާނުގެ ގަނޑުވަރު ކުރިމަތީގައި ހުރެއްޖެއެވެ. ރަސްގެފާނު ހަމަ ނުކުމެވަޑައިގަންނަވަން ފެށުމުން ވެއްޓިގަނެއްޖެއެވެ. ރަސްގެފާނަސް މި މަންޒަރު ހަމަ ފެނުމާއެކު ކުއްލިއަކަށް އަންކުއްޖާއާ ދިމާލަށް ވަޑައިގެންނެވިއެވެ. ދެން އެންމެހާ ވަޒިރުބޭކަލުންނާ އެހެންވެސް މީހުން އެކުއްޖާ ވަށައިގެން ޖަމާވެއްޖެއެވެ. ހޭނެތިގެން ކަމަށް އޮވެއޮވެފައި އެމީހުން އެކުރި ހޭހަމެއް ކޮއްހެދުމުން ރަނގަޅުވީ ކަމަށް ހެދިގެން، ތެދުވެފައި ރަސްގެފާނަށް ވަރަށް ޝުކުރުއަދާކޮށްފައި އަންހެންކުއްޖާ މަންމަ ގެ ގާތަށް އެނބުރި ހިނގައްޖެއެވެ. އަދި ކަންތައް ހިނގާދިޔަ ގޮތުގެ ވާހަކަ ކިޔާދީފައި ދެންކޮށްދޭންވީ ކޮންކަމެއްތޯ ސުވާލުކުރިއެވެ.
ދެވަނަ ކަމެއް ގޮތުގައި މަންމަ ހުށަހެޅީ ހަމަ އެކަންތައް އެތަނުގައި ދެވަނަ ފަހަރަށް ތަކުރާރުކުރުމަށެވެ. ދެން އަންހެންކުއްޖާ ޖެހިގެން އައިދުވަހު ހަމައެތަނަށް ގޮސް ކުރީ ދުވަހު ކަންތައް ކުރި ފަދައިން ކަންތައް ކޮށްފިއެވެ. މިއަދުގައި އަންހެންކުއްޖާ ވެއްޓުމުން އެކަމާ ހަރަކާތްތެރިވީ ވަޒީރުއާއި އޭނާ އާއެކު އައި ޖަމާއަތެވެ. މިއަދު ރަސްގެފާނު އެކަމާ އަޅާލުމެއްނެތި ވަޑައިގެންނެވީއެވެ. ދެން ހޭއެރި ކަމަށް ހެދިފައި ވަޒީރަށް ޝުކުރުއަދާކުރުމަށް ފަހު ގެއަށް އައިސް ކަންތައް ދިމާވިގޮތް މަންމަ އަށް ކިޔާދީފިއެވެ. އަދި ތިންވަނަ ކަމަކީ ކޮބައިތޯ ސުވާލުކުރިއެވެ.
ތިންވަނަކަމަކީ މާދަމާވެސް ހަމަ އެތަނުގައި ތަކުރާރު ކުރުން ކަމުގައި މަންމަ ބުންޏެވެ. އަންހެންކުއްޖާ ޖެހިގެން އައިދުވަހު ވެސް ހަމައެތަނަށް ގޮސް އާދައިގެ މަތީން އޭނާގެ މިޝަން ހިންގާލިއެވެ. މިއަދަކު ވަޒީރެއް ވެސް އަޅައެއް ނުލެއްވިއެވެ. މިއަދު އަންހެންކުއްޖާ އާ އެހީވާން އައީ ގަނޑުވަރުތެރޭ އުޅޭ ނިކަން އާދައިގެ ދެތިން މީހެކެވެ. ދެން މިއަދުވެސް އެނބުރި އައިސް ކަންތައްތައް ހިނގައިދިޔަ ގޮތް މަންމައަށް ކިޔާދީފިއެވެ. ނަމަވެސް އަންހެންކުއްޖާ މިހާރު ވަރަށް ނުތަނަވަސްކަން އިޙްސާސްކުރާ ކަހަލައެވެ. އަންހެންކުއްޖާ މަންމަ އާ ސުވާލުކޮށްލިއެވެ. ކޮބާ އަދިވެސް ކޮށްދޭންޖެހޭ ކަންތައްތައް ނުނިމޭ ހެއްޔެވެ؟ މަންމަ ބުނީ ދެމް ބާކީ އޮތީ އެންމެ ކަމެއްކަމުގައެވެ. އެއީ އަދި ހަމަ އެންމެ ފަހަރަކު އެކަންތައް ތަކުރާރުކޮށްލުން ކަމުގައެވެ.
ވަރަށް ހިތްވަރުކޮށްފައި ޖެހިގެން އައިދުވަހުވެސް އަންހެންކުއްޖާ އޭނާގެ ޢަމަލު ތަކުރާރުކޮށްލިއެވެ. ނަމަވެސް މިއަދު އެނބުރި ގެއަށް އައީ ރޮމުން ގިސްލަމުންނެވެ. މިއަދުގައި ކަންތައް ހިނގައިދިޔަ ގޮތަކީ އަންހެންކުއްޖާ ހޭނެތިގެން ކަމަށް ހެދިފައި ވެއްޓުނީމާ އެއްވެސް މީހަކު ގާތެއްނުވިއެވެ. ބައެއް މީހުން ޒާތްޒާތުގެ އެއްޗިސްކިޔާ މަލާމާތްކުރި އިރު ބައެއް މީހުން މަގުން ހިނގާފައި ދަމުން ކޮޅުފައިން ތަޅާވެސް ހެދީއެވެ.
ކަންތައް ވީގޮތް މަންމައަށް ކިޔާދިނުމުން، ބުއްދިވެރި ވިސްނުންތޫނު މަންމް އަންހެންކުއްޖާއަށް ބުންޏެވެ. ޒިނޭގެ މިސާލަކީ މިއީއެވެ. ފެށުމުގައި ބޭފުޅުންވެސް އެކަމުގައި އުޅޭނެއެވެ. މާގިނަ ދުވަސްތަކެއްނުވެ އެންމެން ދަރިފުޅާ ދުރަށް ހިނގައިދާނެއެވެ. ގެއްލިދިޔަ އަބުރުވެސް އަނބުރާ ނުމެލިބޭނެއެވެ. އަދި ކިއެއްހެއްޔެވެ؟ އެންމެ ނިކަމެތި މީހާވެސް ދަރިފުޅަށް މަލާމާތްކުރާނެއެވެ. އޭ އަހަރެންގެ ލޯބިވާ ދަރިފުޅާއެވެ؟ އަދިވެސް އެހާ ބަދުނަސީބު ޢަމަލަކަށް ލޯބިކުރަންހެއްޔެވެ؟ އަންހެންކުއްޖާ ހުވާކޮށްފައި ރޮވިފައިބުނީ މިހާރު ވިސްނިއްޖެ ކަމުގައެވެ. އަދި އެހާ ދަށުދަރަޖައިގެ ވާހަކައެއް މަންމަ ގާތުގައި ދެއްކުނީތީ އަންހެންކުއްޖާ މަންމަ ގާތުން މާފަށްއެދުނެވެ.
Leave a Reply