ފަލަސްތީންގެ އިސްލާމިކް މިނިސްޓަރު ޑރ. މުހައްމަދު މުސްތަފާ ނަޖުމުއާއަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ސައުދީއަށް ކުރެއްވި ދަތުރުފުޅުގައި ރާއްޖޭގައި ހުތުބާ ދެއްވުމުގެ ދައުވަތު ދެއްވައިފި އެވެ.
މި ދައުވަތު ދެއްވީ ސައުދީގައި ކުރިއަށްދާ އިސްލާމީ ކަންތައްތަކާބެހޭ މިނިސްޓަރުންގެ ކޮންފަރެންސްގެ ތެރެއިން މުސްތަފާއާ ބައްދަލުކުރެއްވުމަށްފަހު އެވެ.
މައްކާގައި ކުރިއަށްދާ މި ކޮންފަރެންސް މިއަދުގެ ވަގުތެއްގަ ނިމޭނެއެވެ.
މި ކޮންފަރެންސްގެ ފަސްވަނަ ސެޝަންގައި ޑރ. މުހައްމަދު ޝަހީމް ވަނީ ރިޔާސަތުވެސް ބަލަހައްޓަވާފަ އެވެ.
މުސްތަފާ ވަނީ ޣައްޒާގައި ހިންގާ އަލްއަޒްހަރު ޔުނިވާސިޓީގެ ޝަރީއާ އަދި ލޯ ފެކަލްޓީގެ ޑީންކަން ކުރައްވައިފަ އެވެ. އޭގެ އިތުރުން ފަލަސްތީނުގެ ޑެޕިއުޓީ މުފްތީކަން ކުރެއްވި މުސްތަފާއަކީ އަލްމުހައްރަގާ ނަމަކަށް ކިޔާ އަވަށަށް ނިސްބަތްވެވަޑައިގަންނަވާ ރެފިއުޖީއެކެވެ.
Leave a Reply