ލިޔުނީ: “އެހީ”
ކެއްސާ ރޯގާ ޖެހިގެން އާއްމުކޮށް ކުޑަކުދިންނަށް ދޭ ބޭހެއް ކަމުގައިވާ ކޮފްސީ ސިރަޕް ރާއްޖެއަށް އެތެރެކުރުމާއި ބޭނުން ކުރުމާއި ވިއްކުން މޯލްޑިވްސް ފުޑް އެންޑް ޑްރަގް އޮތޯރިޓީން މަނާ ކުރައްވައިފިއެވެ. މިބޭސް މަނާ ކުރައްވާފައި ވަނީ ކުނޑިކޮޅު ތަކެއް ބޭހުގައި ހުންނަކަން ފާހަގަ ކުރެވޭތީ ކަމަށް އެއޮތޯރިޓީން ކުރައްވާފައިވާ އިޢުލާންގައި ވެއެވެ. މިބޭހުގެ ރައްކާތެރިކަން ކަށަވަރު ކުރެއްވުމަށް ކުރަން ޖެހޭ މަސައްކަތްތައް ކުރައްވަމުން ގެންދަވާކަމަށް އެއޮތޯރިޓީން ވިދާޅުވެއެވެ.
މިގޮތަށް ރާއްޖެއަށް އެތެރެ ކުރާ ބޭސް އެތައް ދުވަހަކު ބޭނުން ކުރާ ފަހުން އެބޭހުގައި ގެއްލުން ދޭ ބާވަތް ހުންނަކަން ފާހަގަ ކުރެވިގެން މަނާ ކުރައްވާއިރު އެތައް ބަޔަކު އެބޭސް ބޭނުން ކުރެވިފައި ހުންނަކަން ރައްޔިތުން ކަންބޮޑު ވުމާއި އެކު ފާހަގަ ކުރައްވައެވެ.
Leave a Reply