ޕާކިސްތާނު ޑްރާމާ ތަކުން މަޝްހޫރުކަން ހޯދާފައިވާ ފިލްމީ ތަރި ސަޖަލް އަލީ ވަނީ އިންޑިއާގެ ކޮލްކަތާގައި ހިނގި އަންހެން ޑޮކްޓަރެއްގެ މަރާއި ރޭޕްގެ އަނިޔާވެރި ޢަމަލު ކުށްވެރިކުރުމަށް މަޝްހޫރު މީހުން ހިންގާ ކެމްޕޭނުގައި ބައިވެރިވެފައެވެ. ސަޖަލް އަލީ ވަނީ މި ހާދިސާ ކުށްވެރިކޮށް، މަރާލެވުނު ޑޮކްޓަރަށް އިންސާފު ހޯދައިދިނުމަށް އެދޭ ކެމްޕޭނުގެ ބައެއްގެ ގޮތުގައި “ރޭޕިސްޓުންނަށް ލުޔެއް ނުދޭށެވެ” މިހެން ބުނެފައެވެ. ދުނިޔޭގެ މަޝްހޫރު މީހުން ވަނީ އަންހެނުންގެ މެދުގައި ބިރުވެރިކަން އުފެދުނު މި ހާދިސާ ކުށްވެރިކުރުމަށް ސޯޝަލް މީޑިއާގައި ޚާއްޞަ އިހްތިޖާޖު ފަށާފައިއެވެ.
އިރުމަތީ ކޮލްކަތާގެ ހޮސްޕިޓަލެއްގައި މަސައްކަތް ކުރާ ޓްރޭން ޑޮކްޓަރު ގާތްގަނޑަކަށް 20 ގަޑިއިރު މަސައްކަތްކުރުމަށްފަހު އެ ޑޮކްޓަރު ގޮސްފައިވަނީ ސެމިނާ ހޯލަށް އަރާމުކުރުމަށެވެ. ސެމިނާ ހޯލަށް ބަޔަކު ވަދެ ވަނީ ބަޔަކު ގުޅިގެން ރޭޕްކޮށް އަދި ފަހުން އަނިޔާވެރިކޮށް މަރާލާފައެވެ. މިހާދިޘާ އާއި ގުޅިގެން އިންޑިއާގެ އެކި ކަންކޮޅުތަކުގައި އެކްޓިވިސްޓުންނާއި ޑޮކްޓަރުން ވަނީ ރޭޕްކޮށް މަރާލެވުނު އަންހެން ޑޮކްޓަރަށް އިންސާފު ހޯދައިދިނުމަށް އެދި އިހުތިޖާޖުކުރަމުން ކޮށްފައި ވެއެވެ. އިންޑިއާ ގައި ހިނގާ މިފަދަ ރޭޕް ކޭސްތަކުގެ ވާހަކަތައް ކޮންމެ ދުވަހަކު ނޫސްތަކުން ފެނެއެވެ. އިންސާނީ ޚިދުމަތް ދިނުމުގައި މަސައްކަތް ކުރާ ޑޮކްޓަރަކަށް އަދި އޭނާ މަސައްކަތް ކުރާ ހަސްފަތުލާގައި މިފަދަ އަނިޔާވެރި ގޮތަކަށް ބަޔަކު އަމަލު ހިންގުމުން އެކަމާ ގިނަ ބަޔަކު ވަނީ ނުރުހުން ފާޅު ކޮށް މިއަމަލު ހިންގި ބަޔަކު އިންސާފުގެ ކުރިމައްޗަށް ގެނައުމަށް ގޮވާލާފައެވެ.
Leave a Reply