ލުބްނާނު: ލުބްނާނުގެ ދެކުނުގެ އެކި ސަރަހައްދުތަކަށް އިޒްރޭލުގެ ހައްދުފަހަނައެޅި ސިފައިން ދެމުންދާ ވަރުގަދަ ވައިގެ ހަމަލާތަކުގައި، މިހާތަނަށް 13 މީހުން މަރުވެފައިވާ ކަމަށް ލުބްނާނުގެ ހެލްތު މިނިސްޓްރީން ހާމަކޮށްފިއެވެ.
އިޒްރޭލުގެ އިސްތިއުމާރީ ބާރުތަކުން ނަބާތީހް ޑިސްޓްރިކްޓްގެ ހަބޫޝްއަށް ދިން ހަމަލާތަކުގައި މަރުވި މީހުންގެ ތެރޭގައި ދެ އަންހެނުންނާއި ކުޑަކުއްޖަކު ހިމެނެއެވެ. މީގެ އިތުރުން ސިޑޮން ޑިސްޓްރިކްޓްގެ ޒަރާރީހްއިން ހަތަރު މީހަކު މަރުވެފައިވާއިރު، ޓައިރް ޑިސްޓްރިކްޓްގެ އައިން ބާލްއިންވެސް ވަނީ މީހަކު މަރުވެފައެވެ. މިދިޔަ ހުކުރު ދުވަހު އެކަނިވެސް އިޒްރޭލުގެ ހަމަލާތަކުގައި 32 މީހަކަށް އެކިވަރުގެ އަނިޔާ ލިބިފައިވާކަމަށް ރިޕޯޓްތައް ބުނެއެވެ.
އިޒްރޭލުގެ އިސްތިއުމާރީ ބާރުތަކުން ނަބާތީހް ޑިސްޓްރިކްޓްގެ ހަބޫޝްއަށް ދިން ހަމަލާތަކުގައި މަރުވި މީހުންގެ ތެރޭގައި ދެ އަންހެނުންނާއި ކުޑަކުއްޖަކު ހިމެނެއެވެ. މީގެ އިތުރުން ސިޑޮން ޑިސްޓްރިކްޓްގެ ޒަރާރީހްއިން ހަތަރު މީހަކު މަރުވެފައިވާއިރު، ޓައިރް ޑިސްޓްރިކްޓްގެ އައިން ބާލްއިންވެސް ވަނީ މީހަކު މަރުވެފައެވެ. މިދިޔަ ހުކުރު ދުވަހު އެކަނިވެސް އިޒްރޭލުގެ ހަމަލާތަކުގައި 32 މީހަކަށް އެކިވަރުގެ އަނިޔާ ލިބިފައިވާކަމަށް ރިޕޯޓްތައް ބުނެއެވެ.
އިޒްރޭލާއި ހިޒްބުالله އާ ދެމެދު ހަނގުރާމަ ހުއްޓާލުމުގެ މުއްދަތު ތިން ހަފްތާއަށް އިތުރުކޮށްފައި އޮތް ނަމަވެސް، އިޒްރޭލުގެ އުދުވާނުތައް އަދިވެސް ދަނީ ކުރިއަށެވެ. މީގެ ރައްދުގައި އީރާނުގެ މަދަދުލިބޭ ހިޒްބުالله ޖަމާއަތުން ވަނީ ލުބްނާނުގެ ބިމަށް އަރައިގަނެގެން އުޅޭ އިޒްރޭލު ސިފައިންނަށާއި އަސްކަރީ ވެހިކަލްތަކަށް އަމާޒުކޮށް ހަމަލާދީފައެވެ. އިޒްރޭލު އަސްކަރިއްޔާއިން ބުނި ގޮތުގައި މިދިޔަ ބުރާސްފަތި ދުވަހު ހިނގި ކުރިމަތިލުންތަކުގައި އިޒްރޭލު ސިފައިންގެ އެކަކު ވަނީ މަރުވެފައެވެ.
މި ނުތަނަވަސްކަމުގެ ތެރޭގައި، ލުބްނާނުގެ އަސްކަރިއްޔާގެ ޗީފް އޮފް ސްޓާފް ޖެނެރަލް ރުޑޮލްފް ހެއިކަލް ވަނީ ބެއިރޫތުގެ ވައިގެ މަރުކަޒުގައި އެމެރިކާގެ ޖެނެރަލް ޖޯސެފް ކްލިއާފީލްޑްއާ ބައްދަލުކުރައްވާފައެވެ. ކްލިއާފީލްޑް އަކީ ހަނގުރާމަ ހުއްޓާލުމަށް އެމެރިކާއިން ތާއީދުކުރާ ކޮމިޓީއެއް އެކުލަވާލެއްވި ބޭފުޅެކެވެ. މި ބައްދަލުވުމުގައި ލުބްނާނުގެ އަސްކަރިއްޔާގެ ދައުރާއި، މި ނާޒުކު ދަނޑިވަޅުގައި އަސްކަރިއްޔާއަށް އެހީތެރިކަން ބޭނުންވާ މިންވަރާ ބެހޭގޮތުން މަޝްވަރާކުރެވުނެވެ.
އިޒްރޭލާއި ލުބްނާނާ ދެމެދު މިދިޔަ އޭޕްރީލް 16 ގައި އެމެރިކާގައި ބޭއްވި މަޝްވަރާތަކަށްފަހު 10 ދުވަހުގެ މުއްދަތަށް ހަނގުރާމަ ހުއްޓާލަން އިއުލާންކުރިއެވެ. މިއީ 1993 ވަނަ އަހަރުގެ ފަހުން ދެ ގައުމުގެ ދެމެދުގައި ބޭއްވުނު އެންމެ މަތީ ފަންތީގެ މަޝްވަރާތަކެވެ. އެމެރިކާގެ ރައީސް ޑޮނަލްޑް ޓްރަމްޕް ވަނީ އޭޕްރީލް 23 ގައި މި މުއްދަތު ތިން ހަފްތާއަށް އިތުރުކުރެއްވިކަން އިއުލާންކުރައްވާފައެވެ. ހިޒްބުالله އިން ބުނެފައިވަނީ އެ ޖަމާއަތުން ރަސްމީކޮށް އެއްބަސްވުމުގައި ބައިވެރިނުވި ނަމަވެސް، އިޒްރޭލުން އިހުތިރާމްކުރާނަމަ އެއްބަސްވުމަށް ބޯލަނބާނެ ކަމަށެވެ.
ނަމަވެސް، މި އެއްބަސްވުމުގެ ސަބަބުން ބެއިރޫތުގެ މަރުކަޒީ ސަރަހައްދުތަކަށް ހަމަލާދިނުން މަޑުޖެހުނު ނަމަވެސް، ދެކުނުގެ ސަރަހައްދުތަކުގައި ހަނގުރާމަ އަދިވެސް ދަނީ ވަރުގަދައަށް ކުރިއަށެވެ. އެމެރިކާއިން ޔަގީންކަން ދެނީ މި މަޝްވަރާތަކުގެ ސަބަބުން ލުބްނާނުގެ ފުރިހަމަ ސިޔާދަތާއި ބޯޑަރުތައް ރައްކާތެރިކުރެވި، ދައުލަތުގެ ބާރު މުޅި ގައުމަށް ހިނގާނެ މަގު ފަހިވެގެންދާނެ ކަމަށެވެ.
ތަފާސްހިސާބުތަކަށް ބަލާއިރު، މިދިޔަ މާޗު މަހުން ފެށިގެން މިހާތަނަށް ލުބްނާނުން 2,659 މީހުން ވަނީ މަރުވެފައެވެ. މީގެ ތެރޭގައި ގިނަ އަދަދެއްގެ އާންމުން ހިމެނެއެވެ. އިޒްރޭލު އަސްކަރިއްޔާއިން (އައިޑީއެފް) ބުނާ ގޮތުގައި އެންމެ ފަހުން ދިން 50 އެއްހާ ހަމަލާގައި ހިޒްބުاللهގެ މައި މަރުކަޒުތަކަށް ވަނީ ގެއްލުންދީފައެވެ. މި ހަނގުރާމައިގެ ތެރޭގައި އިޒްރޭލު ސިފައިން ވަނީ ލުބްނާނުގެ އެތެރެއަށް 10 ކިލޯމީޓަރަށް ވަދެގަނެ، އެ ސަރަހައްދު ހިސޯރުކޮށްފައެވެ.
Leave a Reply