ވިޒިޓް ވެލިދޫ އިންވިޓޭޝަން ވޮލީބޯލް ޓޯނަމަންޓްގެ ފިރިހެން ޑިވިޝަންގައި ރޭ ކުޅުނު ފޯރިގަދަ މެޗުން ހޮޅުދޫ ސްޕޯޓްސް ކްލަބް (އެސް.ސީ) ބަލިކޮށް ވެލިދޫ އެސް.ސީ އިން މުހިންމު މޮޅެއް ހޯދައިފިއެވެ.
ނ. ވެލިދޫގައި ކުރިއަށްދާ މި މުބާރާތުގެ މި މެޗު ވެލިދޫ އެސް.ސީން ކާމިޔާބުކުރީ ސީދާ ތިން ސެޓުންނެވެ. މެޗުގެ ފުރަތަމަ ސެޓުގައި ވެލިދޫ އެސް.ސީގެ ފަރާތުން ފެނިގެންދިޔައީ ވަރަށް ވަރުގަދަ ކުޅުމެކެވެ. އެގޮތުން 15 ޕޮއިންޓުގެ ބޮޑު ތަފާތަކާއެކު 25-10 އިން މި ސެޓު ވެލިދޫން ކާމިޔާބުކުރިއެވެ.
މެޗުގެ ދެވަނަ ސެޓުގައި ހޮޅުދޫ އެސް.ސީން ވަނީ ކުޅުން ރަނގަޅުކޮށް، ވެލިދޫއަށް ވަރުގަދަ ކުރިމަތިލުމެއް ދީފައެވެ. ނަމަވެސް، ވާދަވެރި ކުޅުމަކަށްފަހު 25-23 ޕޮއިންޓުން މި ސެޓުވެސް ކާމިޔާބުކުރީ ވެލިދޫ އެސް.ސީންނެވެ. މެޗުގެ ފަހު ސެޓުގައި ދެ ޓީމުގެ ފަރާތުންވެސް ހަމަހަމަ ކުޅުމެއް ފެނިގެންދިޔައިރު، ވެލިދޫން މެޗު ކާމިޔާބުކުރީ 5 ޕޮއިންޓުގެ ލީޑަކާއެކު ތިންވަނަ ސެޓު ކާމިޔާބުކޮށްގެންނެވެ.
މި މެޗުގެ މޭން އޮފް ދަ މެޗަކަށް ހޮވިފައިވަނީ ވެލިދޫ އެސް.ސީއަށް މޮޅު ކުޅުމެއް ދެއްކި އެ ޓީމުގެ ޖާޒީ ނަންބަރު 12 ސޮފްޙަތް މުހައްމަދު އަލިފުޅެވެ.
މި މުބާރާތުގައި ހޮޅުދޫ އެސް.ސީ ދެން ބައްދަލުކުރާނީ މޭ މަހުގެ 4 ވަނަ ދުވަހު ފޮއްދޫ އެސް.ސީ އާއެވެ. އަދި ވެލިދޫ އެސް.ސީގެ ދެން އޮތް މެޗު އޮންނާނީ 5 މޭ 2026 ގައި ފޮއްދޫ އެސް.ސީ އާ ދެކޮޅަށެވެ.
Leave a Reply