ބާޒާރުތަކަށް އައި ކުރިއެރުން: އީރާނު ހަނގުރާމައިގެ ނުރައްކަލަށް ބެލުމެއްނެތި ބައެއް ހިއްސާތަކުގެ އަގު އުފުލެނީ ކީއްވެ؟

އެމެރިކާގެ ހިއްސާގެ ބާޒާރަކީ މިހާރު ރެކޯޑް މިންވަރަކަށް ކުރިއަރާފައިވާ ހަމައެކަނި ބާޒާރެއް ނޫނެވެ. ތައިވާން، ދެކުނު ކޮރެއާ އަދި ޖަޕާނުގެ ހިއްސާގެ ބާޒާރުތަކުގެ އިންޑެކްސްތައް ވެސް ވަނީ ފަހުގެ މުއާމަލާތްތަކުގައި އާ ރެކޯޑްތަކަކަށް ވާސިލުވެފައެވެ. މިއީ މާރިޗު މަހު ބާޒާރުތަކަށް އައި ހީނަރުކަމަށްފަހު، އަލުން ބާޒާރުތައް އާރޯވެ ކުރިއަށްދާކަމުގެ ނިޝާނެކެވެ.

އޭޝިއާގެ ގައުމުތަކަކީ މެދުއިރުމަތިން އެތެރެކުރާ ތެލަށް ވަރަށް ބޮޑަށް ބަރާސާވާ ގައުމުތަކެކެވެ. އީރާނު ހަނގުރާމައާ ގުޅިގެން ތެޔޮ އެތެރެކުރުމަށް ބޮޑެތި ހުރަސްތަކެއް ކުރިމަތިވެފައިވީ ނަމަވެސް، އެ ގައުމުތަކުގެ އިގްތިސާދަށް ކުރި އަސަރުތަކުން ހިއްސާގެ ބާޒާރުތައް ހުއްޓުވައެއް ނުލެވުނެވެ. ފާއިތުވި ހަފުތާތަކުގައި އެ ބާޒާރުތައް ދިޔައީ ބާރުމިނުގައި ކުރިއަރަމުންނެވެ.

ބުދަ ދުވަހު ދެކުނު ކޮރެއާގެ ‘ކޮސްޕީ’ (Kospi) އިންޑެކްސް އާއި ތައިވާނުގެ ‘ޓައިއެކްސް’ (Taiex) އިންޑެކްސް ވަނީ ރެކޯޑް މިންވަރަކަށް އުފުލިފައެވެ. ޖަޕާނުގެ ‘ނިކެއި 225’ (Nikkei 225) އިންޑެކްސް ވެސް މިދިޔަ ހަފުތާގައި ވަނީ އާ އުސްމިނަކަށް ވާސިލުވެފައެވެ. ހަމައެއާއެކު، އެމެރިކާގެ ‘އެސް އެންޑް ޕީ 500’ (S&P 500) އަދި ‘ނަސްޑެކް ކޮމްޕޮސިޓް’ (Nasdaq Composite) އިންޑެކްސްތައް ވެސް ބުދަ ދުވަހު ވަނީ ރެކޯޑް މިންވަރަކަށް އުފުލިފައެވެ.

އޭޝިއާ އާއި އެމެރިކާގެ ބާޒާރުތަކަށް މި އައި އާރޯކަމުގެ މައިގަނޑު ސަބަބަކީ ދުނިޔޭގައި އާޓިފިޝަލް އިންޓެލިޖެންސް (AI) އަށް އޮތް ޝައުގުވެރިކަން ބޮޑުވުމެވެ. އޭއައިގެ ސަބަބުން ބާޒާރުތަކަށް ލިބުނު މި ކުރިއެރުމުގެ ސަބަބުން އީރާނު ހަނގުރާމައިގެ ސަބަބުން ކުރިމަތިވެދާނެ ނުރައްކާތަކަށް އޮތް ސަމާލުކަން ވަނީ ކުޑަވެފައެވެ. އޭއައި އިންފްރާސްޓްރަކްޗަރ ބިނާކުރުމަށް ބޭނުންވާ ސެމީކޮންޑަކްޓަރ ޗިޕްތަކަށް އޮތް ބޮޑު ޑިމާންޑުގެ ފައިދާ، ވަކިން ހާއްސަކޮށް އޭޝިއާގެ ބާޒާރުތަކަށް ވަނީ ވަރަށް ބޮޑަށް ކުރިފައެވެ.އޭއައިގެ ސިނާޢަތާ އެހާ ބޮޑަށް ގުޅިފައި ނުވާ ސަރަހައްދުތަކުގެ ބާޒާރުތަކަކުންނެއެވެ

ހަސަން އެޑީ