މިއީ ހަޤީޤީ ހާދިސާއެއްގެ މައްޗަށް ބިނާކޮށް ލިޔެފައިވާ އަސަރުގަދަ ވާހަކައެކެވެ. މި ވާހަކައިން ދިރިއުޅުމުގެ މުހިއްމު ފިލާވަޅުތަކާއި، އިބުރަތްތަކެއް ހާސިލްވެގެންދާނެކަން ކަށަވަރެވެ.
ހިތްގައިމު ހެނދުނެކެވެ. އުޑުމަތި ސާފު، ރީތި ދުވަހެކެވެ. ކާޅާއި ކޮވެލީގެ ފޮނި މީރު އަޑުން މުޅި ޖައްވު ގުގުމާލާފައިވެއެވެ. މާލޭގެ ކޮންކްރީޓް ޖަންގައްޔަށްވުރެ، ރަށްފުށުގެ މި އަމާން މާހައުލުގައި ދިރިއުޅެލުން މާ ހިތްގައިމެވެ. ރަށްފުށުން އެ ފެންނަ ހިތްގައިމު ދިރިއުޅުމާއި، މިނިވަންކަމާއެކު އުދުހެމުންދާ ދޫނިތަކުން ހިތަށް ތަސައްލީއެއް ލިބެއެވެ. މި ބިމުގައި އެތަކެއް މާޒީއެއް އެކުލެވިގެންވެއެވެ. އެފަދަ ހަމަހިމޭން ދިރިއުޅުމެއްގައި އުޅެމުންދިޔަ އެތައް ބަޔަކު މިއަދު މި ދުނިޔެ ދޫކޮށް ގޮސްފިއެވެ.
ރައިނާ އަކީ މި ރީތި ރަށަށް އުފަން، އުމުރުން 20 އަހަރުގެ ހީވާގި ޒުވާނެކެވެ. އެކުވެރިކަމަށް ލޯބިކުރާ، ހިތްހެޔޮ މިޒާޖެއްގެ ކުއްޖެކެވެ. ނަމަވެސް، ރައިނާގެ ހިތުގެ އަޑީގައިވަނީ ފޮރުވިފައިވާ ރިހުމެކެވެ. އޭނާގެ މާޒީގެ ސަފުހާތައް ވަނީ ހިތްދަތި
އަޑީގައިވަނީ ފޮރުވިފައިވާ ރިހުމެކެވެ. އޭނާގެ މާޒީގެ ސަފުހާތައް ވަނީ ހިތްދަތި ހަނދާންތަކުން ފުރިފައެވެ.
“އެތަކެއް ފަހަރު، އެތަކެއް އުއްމީދުތަކެއް އަހަރެން ކުރިން،” މަޑުމައިތިރި ރާގަކަށް ރައިނާ އަމިއްލަ ނަފްސާ ވާހަކަދެއްކިއެވެ. އޭނާގެ ލޮލުން ފޭބި ކަރުނަ ތިއްކަކުން މާޒީގެ ހަނދާންތައް އާވެގެން ދިޔައެވެ. ދިރިއުޅުމުގައި ކާމިޔާބީގެ އައްސޭރިއަށް ދިއުމަށް އޭނާ ކުރި ހުރިހާ މަސައްކަތެއް ނިމިގެންދިޔައީ ނާކާމިޔާބީއާ ކުރިމަތިލާން ޖެހުމުންނެވެ. އޭނާ އެންމެ ބޭނުންވި ކަންތައްތައް ފުނޑުފުނޑުވެ، ހުވަފެންތައް ބިލާހަކަށް ވެގެންދިޔައީ އޭނާ އެންމެ އިތުބާރުކުރި ގާތް އެކުވެރިންގެ ސަބަބުންނެވެ.
ރައިނާ ގަބޫލުކުރާ ގޮތުގައި، އޭނާގެ ދިރިއުޅުން މިފުށުން ޖެހިގެން ދިޔައީ އޭނާ ގާތްކުރި އެކުވެރިންގެ މަކަރާއި ހީލަތުންނެވެ. “އަހަރެން މީ އެއްވެސް މީހަކަށް މުހިއްމު މީހެއް ނޫންކަން އަހަންނަށް އިހުސާސް ކުރެވެން ފެށީ އަހަރެންގެ ރައްޓެހިންގެ ފަރާތުން،” އޭނާގެ ހިތަށް އެރިއެވެ. އެކުގައި ހީނ ސަމާސާކޮށް އުޅުނު މީހުން، ބޭނުން ފުދުމުން އޭނާ އެކަނިވެރިކޮށްލީ އެއްވެސް ރަހުމެއް ނެތިއެވެ. އެކުވެރިކަމުގެ ނަމުގައި ދިން ލަދުވެތި ހަމަލާތަކުން ރައިނާގެ އުއްމީދުތަކުގެ ބިންގާ ގުޑައިގެން ދިޔައެވެ
މިއަދު ރައިނާ އެ ހުންނެވީ އެ މާޒީން އިބުރަތް ހާސިލްކޮށްގެންނެވެ. އިންސާނުންނަށް މާ ބޮޑަށް އިތުބާރު ކުރުމުގެ ނަތީޖާ އޭނާގެ ހަޔާތުން ފެނިއްޖެއެވެ. ރަށްފުށުގެ މި އަމާން މާހައުލުގައި ހުރެ، އޭނާ އަޒުމް ކަނޑައެޅީ މާޒީގެ އެ ހިތްދަތި ހަނދާންތަކުން އަރައިގަނެ، އަމިއްލަ ފައިމައްޗަށް ތެދުވުމަށެވެ. ކޮންމެ ނާކާމިޔާބީއަކީ ކާމިޔާބީގެ ފުރަތަމަ ސިޑިކަން ގަބޫލުކޮށް، އާ ހިތްވަރަކާއެކު ދިރިއުޅުން ބިނާކުރުމަށެވެ. އެކަނިވެރިކަމަކީ ބައެއް ފަހަރު ނިޢުމަތެއްކަން އޭނާއަށް މިއަދު އިހުސާސް ކުރެވެއެވެ.
ކޮންމެ އިންސާނެއްގެ ޙަޔާތަކީވެސް ތަފާތު ތަޖުރިބާތަކަކުން ފުރިގެންވާ ސަފުހާތަކެކެވެ. ބައެއް ސަފުހާތަކަކީ އުފާވެރިކަމުން ފުރިގެންވާ ސަފުހާތަކެއް ކަމުގައި ވިޔަސް، އަނެއްބައި ސަފުހާތަކަކީ ހިތާމައާއި ހިތްދަތިކަމުން ފުރިގެންވާ ފޮޅުވަތްތަކެކެވެ. ރައިނާގެ ދިރިއުޅުން މިހާރު ފެންނަ ފެނުމަށް އާދައިގެ ގޮތަކަށް ހުރި ނަމަވެސް، އޭނާ އެކަނިވާ ކޮންމެ ވަގުތަކީ މާޒީގެ އެ ހިތްދަތި ހަނދާންތައް އޭނާގެ ހިތް ދަތިކުރުވާ ވަގުތެކެވެ. އެ ހަނދާންތަކުގެ ތެރެއަށް ގެބި، އެކަނިވެރިކަމުގެ ފުން ކަނޑެއްގައި އޭނާ ބެހެމުންދާ ކަހަލައެވެ.
“ދަރިފުޅާ… ކޮން ވިސްނުމެއްގާ… ؟:ހައްވާފުޅުގެ ކުރަކި އަޑުން މިހެން ބުނެލި އަޑަށް ރައިނާ ސިހިފައި ބަލާލިއެވެ. އޭރު އޭނާގެ ލޮލަށް ޖަމާވެފައި ހުރި ކަރުނަ ތިކިތައް ފުހެލުމަށްފަހު، މަންމައާ ދިމާލަށް ބަލާލައި ގަދަކަމުން ހިނިތުންވުމެއް ތުންފަތަށް ވެރިކުރުވިއެވެ. އަދި ކަމެއް ނުވާ ކަމަށް ބުނެ، ހަލުވިކަމާއެކު ބަދިގެ ތެރެއަށް ވަދެ މަސައްކަތްތަކުގައި އަވަދިނެތި އުޅެން ފެށީ އެ ހިތްދަތި ވިސްނުންތަކާ ދުރަށް ދިއުމުގެ ނިޔަތުގައެވެ
ރައިނާގެ އެއްބަނޑު އެއްބަފާ ކޮއްކޮއަކު ހުރި ނަމަވެސް، އޭނާ ކޮއްކޮއާ އެހާ ގާތް ގުޅުމެއް ނުބާއްވާ ކަހަލައެވެ. މިއީ ސަބަބެއް ނެތް ކަމެއް ނޫނެވެ. ރައިނާގެ ކޮއްކޮ ޒައިނާއަކީ އަދި ވަރަށް ކުޑަ ކުއްޖެކެވެ. ދިރިއުޅުމުގެ ބުރަޔާއި، މާޒީގެ ހިތްދަތިކަން އެ ކުޑަ ހިތަށް ބަރުކުރާކަށް ރައިނާ ބޭނުމެއް ނުވެއެވެ. ހާއްސަކޮށް ޒައިނާގެ ކިޔެވުމުގެ އެންމެ ފަހު އަހަރު ކަމަށްވާތީ، އޭނާގެ ފިކުރުތައް ހަމައެކަނި ކިޔެވުމަށް ބެހެއްޓުމަކީ ރައިނާގެ އެންމެ ބޮޑު އެދުމެވެ.
ދުވަސްތައް ހަލުވިކަމާއެކު ފާއިތުވަމުން ދިޔައެވެ. ޒައިނާގެ އޯލެވެލް އިމްތިޙާން ބޯމަތިވެއްޖެއެވެ. ޒައިނާގެ މުޅި ދުވަސް ހޭދަވަނީ ސްކޫލުގައެވެ. އޭނާގެ ހަމައެކަނި އަޒުމަކީ އިމްތިޙާނުން ރަނގަޅު ނަތީޖާއެއް ހޯދައި، ރައިނާ އާއި މަންމަ އުފަލުގައި ބޭތިއްބުމެވެ. ޒައިނާއަށް ނޭނގޭ އެތައް ފިލާވަޅެއް ރައިނާ ކިޔައިދެމުން ދާއިރު، އެ ފިލާވަޅުތަކުން ލިބޭ މައުލޫމާތުތަކަކީ އެ ދެބެންގެ ގުޅުން އިތުރަށް ބަދަހިކޮށްދޭ ވަސީލަތަކަށް ވިއެވެ. ރައިނާގެ ފަރާތުން ޒައިނާއަށް ލިބެމުންދަނީ ނުހަނު ބޮޑު ލޯތްބާއި އޯގާތެރިކަމެވެ.
ދުވަސްތައް އޭގެ ހަލުވިމިނުގައި ފާއިތުވަމުން ދިޔައީ ރައިނާ އާއި އޭނާގެ ކޮއްކޮ ޒައިނާގެ ދިރިއުޅުމަށް އެތަކެއް ބަދަލުތަކެއް ގެންނަމުންނެވެ. ވަގުތުގެ ފުރޮޅުން އެނބުރެމުން ގޮސް، މިއަދު ޒައިނާގެ އޯލެވެލް އިމްތިޙާނުގެ ދުވަސްތައް މިވަނީ އައިސް އަރާ ހަމަކޮށްފައެވެ. ޒައިނާގެ ދިރިއުޅުމުގެ ބޮޑުބައެއް މިހާރު ހޭދަވަނީ ސްކޫލުގެ ފޮތްތަކާއި ފިލާވަޅުތަކުގެ ތެރޭގައެވެ.
ޒައިނާގެ މި ބުރަ މަސައްކަތުގެ ފަހަތުގައި ވަނީ ވަރަށް ވަރުގަދަ އަޒުމެކެވެ. އޭނާ ބޭނުންވަނީ އޯލެވެލް އިމްތިޙާނުން މަތީ ދަރަޖައަކުން ފާސްވެ، އޭނާގެ ދޮންތަ ރައިނާ އާއި ލޯބިވާ މަންމަގެ މޫނުމައްޗަށް އުފާވެރިކަން ގެނެސްދޭށެވެ. އެ އާއިލާގެ އުއްމީދުތައް ގުޅިފައިވަނީ ޒައިނާގެ ކާމިޔާބީއާއެވެ.
ކިޔެވުމުގެ ކޮންމެ މަރުޙަލާއެއްގައި ރައިނާގެ އެހީތެރިކަން ޒައިނާއަށް ލިބެމުންދިޔައީ ނުހަނު އޯގާތެރިކަމާއެކުގައެވެ. ޒައިނާއަށް ނޭނގޭ އުނދަގޫ ފިލާވަޅުތައް ރައިނާ ކިޔައިދެނީ ކެތްތެރިކަމާއެކުގައެވެ. ރައިނާގެ ފަރާތުން ލިބޭ މި ލޯތްބާއި އަޅާލުމަކީ ޒައިނާގެ އުނގެނުމުގެ ޝައުޤުވެރިކަން އިތުރުކޮށްދިން ކަމެކެވެ. ކޮންމެ ފިލާވަޅަކުންވެސް އާ މައުލޫމާތުތަކެއް ހޯދައި، ކަންކަން ދަސްކުރުމުގައި ޒައިނާ ދިޔައީ ނަމޫނާ ދައްކަމުންނެވެ.
އެންމެފަހުން އިންތިޒާރު ކުރަމުންދިޔަ އޯލެވެލް އިމްތިޙާން ފެށިއްޖެއެވެ. ޒައިނާ ހުރީ ނުހަނު އުފަލުންނެވެ. އެއީ ސްކޫލް ދައުރުގެ އެންމެ ފަހު އަހަރު ކަމަށްވެފައި، ދޮންތަގެ އެހީތެރިކަމާއި އަމިއްލަ ނަފްސަށް އޮތް އިތުބާރުގެ ސަބަބުން އިމްތިޙާން ފަސޭހަވާނެ ކަމުގެ ފުރިހަމަ އުއްމީދުގައެވެ. ހިތްވަރާއެކު ކުރިމަތިލީ މި އިމްތިޙާނަކީ އޭނާގެ މުސްތަޤުބަލުގެ ބިންގާ ކަމުގައި ޒައިނާ ޤަބޫލުކުރެއެވެ.
(2 ވަނަ ބަޔަށް އިންތިޒާރު ކޮށްލައްވާ…)
Leave a Reply