ދުނިޔެއަކީ އިމްތިޙާނުގެ ގޮވައްޗެކެވެ. ބައެއް ފަހަރު ހިތްދަތިކަމާއި މާޔޫސްކަމުގެ ތެރޭގައި ދިރިއުޅެން ޖެހިދާނެއެވެ. އެތަކެއް އިމްތިޙާނުތަކަކާ ކުރިމަތިލާން ޖެހިދާނެއެވެ. ބައެއް ފަހަރު އުފާވެރިކަމާއި ހިތްހަމަޖެހުމެވެ. އަނެއްބައި ފަހަރު ބިރުވެރިކަމާއި ނާމާންކަމުގެ ތެރޭގައި ދުވަސްތައް ވޭތުކުރަން ޖެހެއެވެ. މި ވާހަކައަކީ ޙަޤީޤީ ހާދިސާއެއްގެ މައްޗަށް ބިނާކޮށް ލިޔެވިފައިވާ، އެތަކެއް ފިލާވަޅުތަކަކާއި ޢިބުރަތްތަކެއް ޙާޞިލުވެގެންދާނެ އަސަރުގަދަ ވާހަކައެކެވެ.
ދިވެހިރާއްޖޭގެ ރަށްފުށުގެ ހިތްގައިމު، ހަމަހިމޭން މާޙައުލެކެވެ. އެކުވެރިކަމާއި އަމާންކަމަށް ލޯބިކުރާ އެތަކެއް ރައްޔިތުންނެއް ދިރިއުޅެމުންދާ ރަށެކެވެ. އެއީ ދަންވަރުގެ ވަގުތެވެ. މުޅި ރަށް ވަނީ އަރާމު ނިދީގެ ފޮނިކަމުގެ ތެރެއަށް ޣަރަޤުވެފައެވެ. ވަށައިގެންވަނީ ހަމަހިމޭންކަމުގެ ފުން ސާލެކެވެ.
ނަމަވެސް، ކޮޓަރީގެ އެނދުމަތީގައި އަހަރެން އޮތީ ދެކޮޅަށް ފުރޮޅި ފުރޮޅިއެވެ. ދެލޮލުގައި ނިދީގެ އެއްވެސް ކަންފުޅެއް ނެތް ކަހަލައެވެ. ސިކުނޑީގައި އެނބުރެމުންދިޔަ ހަލަބޮލި ޚިޔާލުތަކުގެ ސަބަބުން، ހީވަނީ އަހަރެންގެ ނިދި އަހަންނާ މުޚާޠަބުކޮށް ބުނަމުންދާ ކަހަލައެވެ. “ތި ގޮތަށް ނުނިދާ އޮންނާށެވެ! ނިންޖަކީ ތިބާއަށް ވަރަށް ވެސް ދުރު އެއްޗަކަށް އަހަރެން ހަދައިފީމެވެ.”
ހިތަށް ވެރިވަމުން ދިޔައީ މާޒީގެ އެ ހިތި ހަނދާންތަކެވެ. އެއީ 2018 ވަނަ އަހަރެވެ. އަހަރެންގެ މުޅި ދިރިއުޅުން އެފުށްމިފުށަށް ޖަހައިލި އަހަރެވެ. އުފަލާއި އަރާމުގައި ހޭދަވަމުން ދިޔަ ދިރިއުޅުމުގެ މިސްރާބު، އެއްވެސް އިންޒާރަކާ ނުލައި ބަދަލުވެގެން ދިޔައީ ހީވެސް ނުކުރާ ފަދަ ގޮތަކަށެވެ. އަހަންނަށް ކުރިމަތިވި ބޮޑު އިމްތިޙާނުގެ ސަބަބުން، އަހަރެންގެ އެންމެ ގާތް އެކުވެރިންނާއި އެންމެ ލޯބިވާ މީހުންގެ ޙަޤީޤީ ސޫރަ ވަކިކުރަން އެނގިގެން ދިޔައެވެ.
ދަތި އުނދަގޫ ވަގުތުތަކުގައި އިޚްލާޞްތެރިކަމާއެކު ލޯބިން ފިރުމައިދޭނެ މީހުންނާއި، ހެޔޮއެދޭ ކަމަށް ހެދިގެން ތިބި މުނާފިޤުން އަހަރެންގެ އަމިއްލަ ލޮލަށް ފެނިގެންދިޔައީ އެ އަހަރުއެވެ. ދުނިޔޭގެ ތަނަވަސްކަމާއި އުފާވެރިކަން އޮތްއިރު ވަށައިގެން އެނބުރުނު އެތައް ބަޔަކު، އަހަރެންގެ ދިރިއުޅުމަށް އެޅުނު ކަޅު ވިލާގަނޑާއެކު ފަހަރަކު މީހަކު ދުރަށް ޖެހިލިއެވެ. ނަމަވެސް، ހަމަ އެއާއެކު، އެއްވެސް އެދުމެއް ނެތި އަހަރެންގެ ޙައްޤުގައި ކެތްތެރިކަމާއެކު ހިތްވަރުދިން މަދު، އެކަމަކު އަގުހުރި އަތްތަކެއްގެ ފިރުމުންތައް ވެސް ލިބުނެވެ.
2018 ވަނަ އަހަރު އަހަންނަށް ދަސްކޮށްދިނީ ދިރިއުޅުމުގެ އެންމެ އަގުބޮޑު ފިލާވަޅެވެ. ކޮންމެ އިންސާނަކީ އިތުބާރު ކުރަން ހެޔޮވާވަރުގެ މީހެއް ނޫންކަމާއި، ދަތި އުނދަގޫ ހާލަތްތަކަކީ މީސްތަކުންގެ ޙަޤީޤަތް ވަޒަންކޮށްދޭ ތިލަފަތެއް ކަމެވެ. އަދި ކިތަންމެ އަނދިރި ރެއަކަށް ފަހުގައި ވެސް، ﷲ ގެ ރަޙްމަތާއެކު އަލިވިލޭނެ ފަތިހެއް އަންނާނެ ކަމުގެ ފުރިހަމަ ޔަޤީންކަމެވެ. މިއަދު އަހަރެން އެނދުމަތީގައި އޮވެ ވިސްނައިލުމުން، އެ ހުރިހާ ހިތްދަތިކަމަކީ ވެސް އަހަރެން ހަރުދަނާ، ވަރުގަދަ އިންސާނަކަށް ހެދުމަށްޓަކައި މިންވަރުކުރެއްވި އިލާހީ ޙިކުމަތެއްކަން ދެނެގަނެވުނެވެ
ދުވަސް ވަރަކީ އަހަރެން ކިޔެވުމުގެ ހަޔާތް އެއްކޮށް ނިންމާލި ދުވަސް ވަރެއެވެ . އަހަރެންގެ ޒުވާން އުމުރޭ ބުންޏަސް ދޮގަކަށް ނވާނެއެވެ .
” ހަލޯ މަންމާ ކީކޭ ކީއް ކޮއްދޭން ވީ ” ޖީބުގައި އޮތް ފޯން ރިންގު ވުމުން އަހަރެން ޖީބުން ފޯން ނެގުމަށް ފަހު ޖަވާބު ދިނީމެއެވެ. މަންމަ އެވެ .
” ދަރިފުޅާއެވެ . މަންމަ އަށް ތި އަންނަ އިރު ފިހާރަ އަށް ވަދެ އެތި އާފަލު އަދި އެ ނޫން އެއްޗެއް ގެނެސް ދެއްޗޭ … ” ހައްވާ މަނިކެ ބުނެލިއެވެ .” ލައްބަ މަންމާ ދާއިރު ހިފައިގެން ދާނަން . ” އަހަރން ޖަވާބުގައި ދިނީމެއެވެ . އެއީ އަހަރެން މަންމަ އަށް ކުރާ އިޙްތިރާމް އެއްގެ ސަބަބުންނެއެވެ. އަހަރެން ވިސްނުމުގައި ހުރީ އަހަރެން ހުރިހާ ހިދަކު އަހަރެން ގެ ފަރާތުން މަންމަ އަށް ކަމޭ ހިތައި އުޅުމެއެވެ .
ނަމަވެސް …………… ދުވަސް ތައް ދިޔައީ އުފާވެރި ކަމާއެކުގައެވެ . ލޮއިއްބާ އަޅާލުމާއެކުގައެވެ . އަހަރެން ގެ ދިރިއުޅުމުގެ އެއްބައި އަކީ އަހަރެން ގެ މައިންބަފައިން ކަން އަބަދު ވެސް ހަނދުމަ ކުރަމެއެވެ .
Leave a Reply