ޕެންސިލްވޭނިއާގެ އުތުރުގެ ފިލަޑެލްފިއާގެ އޮލްނީ ނަމަކަށް ކިޔާ ސަރަހައްދުގައި ހުރި ފަނާވެފައިވާ ގެއެއްގެ މަތީ ބުރިތަކުގައި އަލިފާން ރޯވެ، ކުނިތައް ގިނަވެފައި ވަނީ އެތަނާ ނަން ގުޅިފައިވާ ހަތް އަންހެނަކު ގެއްލުމުގެ ސިއްރު ހޯދައިފާނެ ތަހުގީގެއްގެ މައިގަނޑު ތަހުގީގަކަށެވެ.
ގާތްގަނޑަކަށް މިލިއަނެއްހާ ފޮޓޯ އާއި ވީޑިއޯގެ ބޮޑު އަރުޝީފެއް ހޯދުމަށް ފަހު އިންވެސްޓިގޭޓަރުން ކުރިއަށް ދިޔައީ އެ ގެ ބަލައި ފާސްކޮށް އޭގެ ދަށުގައި ކޮނެގެން، ގެއްލިފައިވާ އަންހެނަކު އެގޭގައި މަރުވެފައިވާތޯ އާއި އެމީހުންނަށް ދިމާވި ކަންތައްތައް ހާމަވެދާނެ ހެކިތަކެއް ހޯދުމަށެވެ.
ގާޑިއަން އިން ރިޕޯޓްކުރާ ގޮތުގައި އެ ގެ – ލޯކަލް ގޮތުން “ހައުސް އޮފް ހޮރޯސް” ގެ ނަމުން މަޝްހޫރު – އަކީ މިދިޔަ އަހަރު އުމުރުން 82 އަހަރުގައި މަރުވި އަނިޔާވެރި، މަރުގެ ސިމިއުލޭޓިން ޕޯންގްރަފީގެ ކްރިމިނަލް ރެކޯޑް ފޮޓޯގްރާފަރެއް ކަމަށްވާ ރޭމަންޑް “އާރްސީ” ހޯޗް ކިޔާ މީހަކާއި އޭނާގެ 44 އަހަރުގެ ދަރިފުޅު ޔޫޖީންގެ ގެއެކެވެ.
މިހާތަނަށް ތަހުގީގު ކުރާ ފަރާތްތަކުން ވަނީ އެތަނާ ހަތް އަންހެނަކު ގުޅުވާލާފައިވާއިރު، ފުލުހުން ގަބޫލުކުރާ ގޮތުގައި އޭގެ ތެރެއިން ފަސް އަންހެނަކު މަރުވެފައިވާ ކަމަށާއި ނަމަވެސް އެމީހުންގެ ހަށިގަނޑު ނުފެނުމުން މިހާތަނަށް މަރުވިކަން މެޑިކަލް ކޮންފަރމަންސް އަށް ހުރަސްއެޅެ އެވެ.
އައިޑެންޓިޓީ ކާޑަކުން މައްސަލަ ހުޅުވާލައެވެ
ގާޑިއަން އިން ހާމަކުރާ ގޮތުގައި ފުލުހުން އެ ގެއަށް ގެންދިޔަ ލީޑް ފެށުނީ މިދިޔަ ޖޫން މަހު ޔޫޖީން ހޯޗް ކާރެއްގައި ހުއްޓުވުމުންނެވެ. އޭނާ ގެންގުޅެނީ ފެޑެރަލް ލޯ އެންފޯސްމަންޓް އޮފިސަރެއް ކަމަށް ދޭހަވާ ފޭކް އައިޑީއެއް ކަމަށާއި، އޭނާއާއެކު ހުރި އަންހެންމީހާ ގެންގުޅެނީ ގެއްލިފައިވާ އަންހެނުންގެ ތެރެއިން އެއް އަންހެނުން ކަމަށްވާ ބްލޭއާ ޓަންޒިލީގެ އައިޑީއެކެވެ.
އަދި ކާރުން ދެ ބަޑިއާއި ގާތްގަނޑަކަށް 8،000 ޑޮލަރުގެ މަސްތުވާތަކެތި ވެސް ވަނީ އަތުލައިގެންފަ އެވެ. އޭގެ ފަހުން އެ ގެ ބަލައިފާސްކުރިއިރު ލައިސަންސް ނެތް އެހެން ބަޑިއަކާއި، ރާ އުފެއްދުމުގެ އޮޕަރޭޝަނަކާއި، އެފްބީއައިގެ ވަގު ބެޖަކާއި ، އަންދާލާފައިވާ ހަށިގަނޑުތައް ހިމެނޭ ފަސް ކަރުދާސް ފެނިފައިވެއެވެ. އެ އަންހެނުން ގެއްލުނު މައްސަލައިގައި ޔޫޖީންގެ މައްޗަށް އަދި ދައުވާއެއް ނުކުރާ ނަމަވެސް އޭނާގެ މައްޗަށް އުފުލާފައިވަނީ ބަޑިއާއި މަސްތުވާތަކެއްޗާ ގުޅުންހުރި ވަކި ދައުވާތަކެކެވެ.
އޭނާގެ ބައްޕަ ރޭމަންޑްގެ މާޒީގެ ސަބަބުން އެ އަންހެނުން ގެއްލުމާ ގުޅުން ހުރިކަން ސާބިތު ނުކޮށް މައްސަލައަށް ހާސްކުރުވަނިވި ޑިމޭންޝަނެއް އިތުރުކޮށްދެ އެވެ. އޭނާގެ މައްޗަށް 2009 ވަނަ އަހަރު ނުވަ އަހަރުގެ އަންހެން ކުއްޖަކު ލޯބި ޖައްސަން އުޅުނު ކަމުގެ ކުށް ސާބިތުވި ނަމަވެސް އެ ހުކުމް އަލުން ޝަރީއަތް ކުރުމަށް ފަހު ބާތިލް ކުރުމުން އެ އަންހެން ކުއްޖާގެ ހެކިބަސް އަލުން ބެލޭނެ ގޮތެއް ނުވި އެވެ. އެއަށްފަހު އެ މައްސަލަ އޭނާގެ ރެކޯޑުން ފޮހެލި އެވެ. 1985 ވަނަ އަހަރު ކުރިއަށް ގެންދިޔަ ނަފްސާނީ އިވެލުއޭޝަނެއްގައި އޭނާ ސިފަކޮށްފައިވަނީ މެނިޕުލޭޓިވް، އިންތިހާއަށް ރުޅިގަދަ، ޝައްކު އުފެދޭ، އަދި ކޮންޓްރޯލް ކުރާ މީހެކެވެ.
އަހަރުތަކެއް ވަންދެން އޭނާ ވަނީ އެޑިކްޝަންގެ ޝިކާރައަކަށް ވެފައިވާ އަންހެނުން މަރާ ނަކަލުކޮށް އަނިޔާވެރި މަންޒަރުތަކުގައި ސިފަކޮށް، މަރާލުމާއި ހަށިގަނޑު ނައްތާލުމާ ބެހޭ ފޮޓޯތަކާއި ލިޔުންތައް ޝާއިއުކޮށް، މިހާރު ތަހުގީގު ކުރަމުންދާ އަންހެނުން ގެއްލުމާ ގުޅުން ހުރި އެއްވެސް ދައުވާއެއް އޭނާގެ އުމުރުގައި ދުވަހަކުވެސް ނުކޮށްފަ އެވެ.
ރޭމަންޑް މަރުވެ، އޭނާގެ ދަރިފުޅުގެ ތަހުގީގު އަދިވެސް ހުޅުވާފައި އޮތުމުން، ކަން ހިނގި ގޮތް ކަނޑައެޅުމަށް ޖިނާއީ ދައުވާއެއް ނުކޮށް މައްސަލަ ނިމިދާނެ ކަމަށް ދަ ގާޑިއަން އިން ރިޕޯޓް ކުރެ އެވެ. ނަމަވެސް ފިލަޑެލްފިއާ ޕޮލިސް ކޮމިޝަނަރު ކެވިން ބެޓެލް ވިދާޅުވާ ގޮތުގައި ގެއްލިފައިވާ އަންހެނުންގެ އާއިލާތަކަށް އިންވެސްޓިގޭޓަރުންގެ ވާޖިބެއް އޮތީ އެ ގެއިން ނުވަތަ އެހެން ތަނެއްގައި އެމީހުންގެ ލޯބިވާ މީހުންގެ ފުރާނަ ގެއްލުނުތޯ ހޯދުމެވެ.
Leave a Reply