އިންޑިއާގެ ކެރެލާގައި ނުރައްކާތެރި ބައްޔެއް ފެތުރެމުންދާތީ ދިވެހިން ސަމާލުވުމަށް ރާއްޖޭގެ ކޮންސިއުލޭޓް ޖެނެރަލް އިލްތިމާސްކޮށްފި އެވެ.
އެ މީހުން އިއްޔެ ނެރުނު ބަޔާނެއްގައި ބުނީ ކެރެލާގައި ބްރެއިން އީޓިން އަމޮއެބާ އިންފެކްޝަން ފެތުރެމުންދާ ކަމުގެ އިންޒާރު ކެރެލާގެ ހެލްތު މިނިސްޓްރީތަކުން ދީފައިވާ ކަމަށެވެ.
ބްރެއިން އީޓިން އަމީބާ އިންފެކްޝަންގެ އަލާމާތްތަކުގެ ތެރޭގައި ހުން އައުމާއި ބޮލުގައި ރިއްސުމާއި ހޮޑުލެވުމާއި ވާނުވާ ނޭނގުމުގެ އިތުރުން ފިޓު ޖެހުން ފަދަ ކަންކަން ހިމެނެއެވެ. މިއިން އެއްވެސް އަލާމާތެއް ފެނިއްޖެނަމަ އަވަސް ސިއްހީ އެހީތެރިކަން ހޯދުމަށް ރާއްޖޭގެ ކޮންސިއުލޭޓް ޖެނަރަލުން ވަނީ އިލްތިމާސްކޮށްފައެވެ.
މި ބައްޔަކީ ކަންފަތް ނުވަތަ ނޭފަތުން ހަށިގަނޑުގެ އެތެރެއަށްދާ ޖަރާސީމަކަށްވާތީ ކޯރުފަދަ ތަންތަނަށް މިދުވަސްވަރު ނޭރުމަށް ކޮންސިއުލޭޓުން ވަނީ އިލްތިމާސްކޮށްފައެވެ. އަދި ސްވިމިން ޕޫލަށް އެރޭ ނަމަ ކަންފަތާއި ނޭފަތަށް ފެން ނޭޅޭ ގޮތަށް ކަންފަތު އުނގުރި ޖަހައި ‘ނޭސަލް ކްލިޕް’ ފަދަ ތަކެތި ބޭނުން ކުރުމަށްވެސް ކޮންސިއުލޭޓުން ވަނީ އެދިފައެވެ.
Leave a Reply