ކުރީގެ ރައީސް ޔާމީންގެ މައްޗަށް ބީއެމްއެލް އިން ހުށަހެޅި މައްސަލަ ބަލަން ހައިކޯޓަށް

ކުރީގެ ރައީސް އަބްދުﷲ ޔާމީނާ ދެކޮޅަށް ބޭންކް އޮފް މޯލްޑިވްސް (ބީއެމްއެލް) އިން ހުށަހެޅި މައްސަލަ ހައިކޯޓަށް މިއަދު ފަށަން ނިންމައިފި އެވެ.

މި މައްސަލައަކީ ޔާމީނާއި އެންޓި ކޮރަޕްޝަން ކޮމިޝަން (އޭސީސީ) އާ ދެމެދު ބީއެމްއެލްގައި ހުޅުވާފައިވާ އެސްކްރޯ އެކައުންޓަކާ ގުޅޭ މައްސަލައެކެވެ. މި އެކައުންޓަކީ ޔާމީންގެ އަތުގައި ހުރި ޝައްކު އުފެދޭ ފައިސާ ވަކި މުއްދަތަކަށް ޖަމާކުރުމަށް ހުޅުވާފައިވާ އެކައުންޓެކެވެ.

ޔާމީން ރައީސްކަމުގައި ހުންނެވިއިރު، މޯލްޑިވްސް މާކެޓިންގް އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) އަށް ލިބެންޖެހޭ ކަމަށް ބެލެވޭ މަނީ ލޯންޑަރިންގގެ 1 މިލިއަން ޑޮލަރު ދެ ޗެކަކުން މޯލްޑިވްސް އިސްލާމިކް ބޭންކް (އެމްއައިބީ) ގައި އޮތް ޔާމީންގެ އަމިއްލަ އެކައުންޓަށް ޖަމާކުރެވުނެވެ. ފުރަތަމަ ޔާމީން އެ ފައިސާ އޭސީސީއާ ހަވާލުކުރަން އިންކާރުކުރެއްވުމާ ގުޅިގެން، އެ ފައިސާ ބީއެމްއެލްގެ އެސްކްރޯ އެކައުންޓެއްގައި ބެހެއްޓުމަށް އޭސީސީއާއި ޔާމީނާ ދެމެދު އެއްބަސްވެވުނެވެ. އެމްއައިބީގައި އޮތް ޔާމީންގެ އެކައުންޓަށް އެ ފައިސާ ޖަމާކުރެވުނީ 2015 ވަނަ އަހަރުގެ ނޮވެމްބަރު މަހުގައެވެ. އަދި އެސްކްރޯ އެގްރީމެންޓުގައި ޔާމީނާއި އޭސީސީއިން ސޮއިކުރީ 2018 ވަނަ އަހަރުގެ ރިޔާސީ އިންތިޚާބުގެ ކުރިން، 2018 ވަނަ އަހަރުގެ މާރޗު 15 ވަނަ ދުވަހުއެވެ. ފަހުން އެނގުނު ގޮތުގައި ބީއެމްއެލްގެ އެސްކްރޯ އެކައުންޓަށް ޖަމާކުރެވުނު ފައިސާއަކީ އެމްއައިބީގައި އޮތް ޔާމީންގެ އެކައުންޓުގައި ހުރި އަސްލު 1 މިލިއަން ޑޮލަރެއް ނޫނެވެ.

މިއަހަރުގެ ފެބްރުއަރީ މަހު، އެސްކްރޯ އެކައުންޓާ ގުޅޭ ކަންކަމަށް ބީއެމްއެލް ޒިންމާވާންޖެހޭނެ ކަމަށް ސިވިލް ކޯޓުން ޙުކުމްކުރިއެވެ. ފަނޑިޔާރު އަޒްފާ އަބްދުލްޣަފޫރު ނެރުއްވި މި ޙުކުމާ ގުޅިގެން، މި މައްސަލަ ބެލުމުގެ އިޚްތިޞާޞް ސިވިލް ކޯޓަށް ލިބިގެންވޭތޯ ސުވާލު އުފައްދައި ބީއެމްއެލްއިން ހައިކޯޓުގައި އިސްތިއުނާފު ކުރިއެވެ. މޭ މަހު، މި މައްސަލައާ ގުޅިގެން ހައިކޯޓުން ޔާމީންގެ މައްޗަށް އަމުރެއް ނެރުނެވެ.

މިއަދު މި މައްސަލަ ބެލުމަށް ހަމަޖެހިފައިވަނީ ތިން ފަނޑިޔާރުންގެ ބެންޗަކުންނެވެ. އެއީ ހައިކޯޓުގެ އިސް ފަނޑިޔާރު ޙުސައިން ޝަހީދު، ފަނޑިޔާރު ފާޠިމަތު ފަރީޒާ އަދި ފަނޑިޔާރު ދީބާނާޒް ފަހުމީ ހިމެނޭ ބެންޗެކެވެ.

ޝިނާ