ރައްޔިތުންގެ މަޖިލީހުގެ ސަލާމަތީ ޚިދުމަތްތަކާބެހޭ ކޮމިޓީ (241 ކޮމިޓީ) އިން މިއަދު ނިންމައިފިއެވެ. މި ނިންމުމަކީ 2021 މޭ 6 ވަނަ ދުވަހުގެ ރޭ ކުރީގެ ރައީސް މުހައްމަދު ނަޝީދު އަވަހާރަކޮށްލަން ދިން ހަމަލާ އަލުން ބެލުމަށް ނިންމި ނިންމުމެކެވެ.
މިއަދު ބޭއްވުނު 241 ކޮމިޓީގެ ބައްދަލުވުމުގައި މަޖިލީހުގެ ނައިބު ރައީސް އަދި ދިއްގަރު ދާއިރާގެ މެންބަރު އަހުމަދު ނާޒިމް ވަނީ ރައީސް ނަޝީދުގެ ހަމަލާއާ ގުޅޭ ގޮތުން އެކުލަވައިލާފައިވާ ސިއްރު ރިޕޯޓުގައި މައްސަލަތަކެއް ހުރި ކަމަށް ފާހަގަކުރައްވާފައެވެ. އަދި މި ހަމަލާއާ ގުޅިގެން ނެޝަނަލް ކައުންޓާ ޓެރަރިޒަމް ސެންޓަރަށް އިންޓެލިޖެންސާ ބެހޭ ކަންކަން ބެލޭނެ ގޮތެއް އަދިވެސް ގާއިމުވެފައި ނެތް ކަމަށްވެސް ނާޒިމް ވަނީ ވިދާޅުވެފައެވެ.
ކޮމިޓީގެ މުގައްރިރު އަދި އޭދަފުށީ ދާއިރާގެ މެންބަރު އަހުމަދު ސަލީމް ވިދާޅުވީ މި މައްސަލަ ސަރުކާރުގެ ސަމާލުކަމަށް ގެނައުމަށްޓަކައި ސިޓީއެއް ލިޔެ ނިންމާފައިވާ ކަމަށާއި، އެ ސިޓީ މިއަދުގެ ވަގުތެއްގައި ހުށަހަޅުއްވާނެ ކަމަށެވެ.
ނަޝީދަށް ދިން ހަމަލާއަކީ 2021 މޭ 6 ވަނަ ދުވަހުގެ ރޭ އެމަނިކުފާނުގެ އަމިއްލަ ގެކޮޅު ގ. ކެނެރީގެ އިން ބޮޑީގާޑުންނާއެކު ނުކުމެވަޑައިގެން މަޖީދީމަގުގައި އޮތް ކާރުކޮޅާ ދިމާއަށް ވަޑައިގަންނަވަނިކޮށް ދިން ހަމަލާއެކެވެ. މި ހަމަލާގައި ނަޝީދުގެ އިތުރުން އެމަނިކުފާނުގެ ތިން ބޮޑީގާޑުންނާއި މަގުމަތިން ދިޔަ ދިވެއްސަކާއި އިނގިރޭސިވިލާތުގެ މީހަކަށް އަނިޔާވިއެވެ. މި ހަމަލާގެ ސަބަބުން މަޖިލިސް ރައީސްގެ މަގާމުގައި ހުންނެވި ނަޝީދަށް ބޮޑެތި އަނިޔާތަކެއްވެ، ބޮޑު އޮޕަރޭޝަނެއް ކުރަންޖެހުނެވެ.
Leave a Reply