މި ސަބަބާ ހެދި، ދުނިޔޭގެ ސިއްޙަތު ޖަމްޢިއްޔާ (ޑަބްލިޔުއެޗްއޯ) އާ ގުޅިގެން ދިރާސާއެއް ހެދުމުގެ މަސައްކަތް ކުރަމުން އަންނަކަމަށް މިނިސްޓަރު ހަލީލް ވިދާޅުވިއެވެ. އަދި ހެލްތް މިނިސްޓްރީން އަމިއްލައަށް ކުރި ދިރާސާތަކުންވެސް ބައެއް ރަށްރަށުގައި ބައެއް ބާވަތްތަކުގެ ބަލިތައް ވަރަށް ގިނަކަމަށާއި، އޭގެތެރޭގައި ކެންސަރު ހިމެނޭކަން އެމަނިކުފާނު ފާހަގަކުރެއްވިއެވެ.
“މި ދެންނެވީ ކެންސަރުގެ ބަލިތައް މިސާލަކަށް ދަންނަވަނީނަމަ ބައެއް ރަށްރަށުގައި ތަންކޮޅެއް ގިނަ. އެހެންވީމާ އެއީ ކީއްވެގެން ކޮންގޮތަކުން ކޮން މާއްދާއެއްގެ ސަބަބުން ދިމާވާ ކަމެއްތޯ ބެލުމަކީ ހަމަ މިހާރު ކޮންމެހެންވެސް ކުރަންޖެހޭކަމެއް. އެހެންވީމަ އެ މަސައްކަތް އަޅުގަނޑުމެން ކުރިޔަށް އެބަ ގެންދަން,” ހެލްތް މިނިސްޓަރު ހަލީލް ވިދާޅުވިއެވެ.
ގައިން ގަޔަށް ނާރާ ބަލިތައް އިތުރުވާ ސަބަބު ދެނެގަތުމަށް ދިރާސާކުރަން މިހާރު ކުރަމުން އަންނަނީ ކޮންސަލްޓެންޓެއް ހޯދުމުގެ މަސައްކަތް ކަމަށާއި، އެކަން ހަމަޖެހުމުން ވަރަށް އަވަހަށް މަސައްކަތް ފެށިގެންދާނެކަމަށް ހެލްތް މިނިސްޓަރު ހަލީލް ވިދާޅުވިއެވެ.
Leave a Reply