އެކަނިވެރިން މައިން ނަމުގައި ހިންގާ ފޭސްބުކް ޕޭޖެއްގައި ޢާއްމު ފަރާތަކުން ބުދަ ދުވަހު ކޮށްފައިވާ ޕޯސްޓެއްގައި ލިޔެފައިވާ ގޮތުގައި އޭނާގެ ފިރި މީހާއަކީ އޮން ލައިންކޮށް ޖުވާ ކުޅުމުގެ ވަގުތު ހޭދަ ކުރާ މީހެއް ކަމަށާއި، މިކަމުގެ ސަބަބުން ދުވަހަކުވެސް ދިރިއުޅުމުގައި ނުޖެހޭ ބޮޑެތި މައްސަލަތައް ޖެހި ދިރިއުޅުން ހާސް ކަމުގައި ވެއްޓިފައި ވަނިކޮށް ޑރ މުޢިއްޒުގެ ސަރުކާރު ފެށުމާއި އެކު އެފަދަ ސައިޓްތަކަށް ނުވަދެވޭނެ ގޮތް ހަދާ ބުލޮކް ކުރި ކަމަށެވެ. އެކަމުގެ ސަބަބުން ހަލާލު މަސައްކަތުން ފިރިމީހާ ފައިސާ ހޯދާއިގެން އޭނަ އަށާއި ކުދީންނަށް ޚަރަދު ކުރާނެތީ ވަރަށް އުފާވި ކަމަށް ފާހަގަ ކޮށް އެއަންހެން މީހާ ލިޔެފައި ވެއެވެ. ނަމަވެސް ކުޑަދުވަސް ކޮޅެއްގެ ފަހުން، އެއިރު ބްލޮކް ކުރި އޮންލައިން ޖުވާ ކުޅޭ ސައިޓްތަކަށާއި ޕޯން ސައިޓްތަކަށް ބަރާބަރަށް ވަދެވޭ ގޮތް ހަދާފައިވާ ކަމަށް އެއަންހެން މީހާ ލިޔެފައި ވެއެވެ. އެކަމުގެ ސަބަބުން އޭނާގެ ފިރިމީހާ ކުރިއެކޭ އެއްގޮތަށް ކުރާ މަސައްކަތަކީ ލިބޭ ހުރިހާ ލާރިއެއް އޮންލައިންކޮށް ޖުވާ ކުޅުމަށާއި އެފަދަ ސައިޓްތަކަށް ވަދޭ ލިބޭ ހުރިހާ ފައިސާއެއް ހޭދަ ކުރުން ކަން އަސަރާއި އެކު އެއަންހެން މީހާ ލިޔެފައި ވެއެވެ. މިކަމާ ބެހޭ ގޮތުން އެއްޗެއް ބުންޏަސް ފިރިމީހާ ރުޅިއަންނަ ކަމަށާއި ޖުވާކުޅެގެން ލިބޭ ފައިސާވުރެ އަތުން ދާ ފައިސާ މާގިނަކަމަށް އޭނަ ލިޔެފައި ވެއެވެ. ބުލޮކް ކުރި ސައިޓްތަކަށް މިހާރު ވަދެވޭގޮތް ހެދީ ކީއްވެތޯ ސަރުކާރުގެ ކަމާބެހޭ ފަރާތްތަކާ އޭނާގެ ލިޔުއްވުމުގައި ސުވާލު ކުރައްވާފައި ވެއެވެ. އެކަނިވެރި މައިންގެ ފޭސް ބުކްޕޭޖްގައި އެއަންހެން މީހާ ލިޔުއްވާފައި ލިޔުން ނިންމާ ލައްވާފައި ވަނީ މުޖުތަޢު ހަލާކުވެ މިދަނީ މިކަހަލަ ވިޔާ ނުދާ ކަންކަން ކުރެވޭނެ ފަސޭހަ ގޮތް ހަދާފައި ވާތީ ކަމަށް ފާހަގަ ކޮށްފައިވެއެވެ. މިފަދަ ކަން ކަމަށް ފިޔަވަޅު އަޅާނެ ހަރުދަނާ އުޞޫލެއް ސަރުކާރުން ނުގެންގުޅުއްވާ ކަން އޭނާ ލިޔުން ނިންމާލަމުން ފާހަގަ ކޮށްފައި ވެއެވެ.
Leave a Reply