އިޒްރޭލުން މެދުކެނޑުމެއް ނެތި ފަލަސްތީންގައި ހިންގަމުންދާ ގަތުލުއާންމު ކުށްވެރިކުރައްވައި ގާޒާގައި ހިނގަމުންދާ ހަނގުރާމަ ވަގުތުން ވަގުތަށް ހުއްޓާލަން ރޭ ރާއްޖޭގެ ފޮރިން މިނިސްޓަރު މޫސާ ޒަމީރު ގޮވާލައްވައިފި އެވެ.
ޒަމީރު ވިދާޅުވީ ފަލަސްތީނާއި އިޒްރޭލު ދެމެދު ހިނގާ ހަމަނުޖެހުންތަކަށް އޮތް ހަމައެކަނި ދެމެހެއްޓެނިވި ހައްލަކީ 1967 ވަނަ އަހަރުގެ ކުރިން ފަލަސްތީނުގެ ބޯޑަރުތަކާ އެއްގޮތަށް، އިރުމަތީ ގުދުސް އަކީ އެ ގައުމުގެ ވެރިކަން ކުރާ ރަށް ކަމަށް ކަނޑައަޅައި، އިޒްރޭލުގެ އަތްދަށުން ފަލަސްތީނު މިނިވަންކޮށް، މުސްތަގިއްލު އަދި އަމިއްލަ ސިޔާދަތީ ބާރު ހިނގާ ގައުމަކަށް ހެދުން ކަމަށެވެ.
ލާއިންސާނީ އަމަލުތައް ހުއްޓުވުމަށް ބައިނަލްއަގްވާމީ މުޖުތަމައު އެއްކޮށް، ވަކި ގައުމެއް އިސްތިސްނާ ނުވާނެހެން ގާނޫނު ތަންފީޒުކުރުމަށްވެސް މިނިސްޓަރު ވަނީ ގޮވާލައްވާފަ އެވެ.
މި ބައްދަލުވުމުގައި މިނިސްޓަރު ޒަމީރު ވަނީ ހަމާސްގެ ލީޑަރު އިސްމާއިލް ހަނިއްޔާގެ އަވަހާރަކޮށްލުން ކުށްވެރިކުރައްވާފަ އެވެ.
Leave a Reply