ރާއްޖޭގެ ހުރިހާ އަންހެނުން ތަރައްޤީއަށް މަސައްކަތް ކުރާ ކޮމެޓީ (ޑަބްލިއު ޑީސީ) ތައް ބައިވެރިވާ މަހާސިންތާއެއް މާލެ ސިޓީގެ އަންހެނުން ތަރައްޤީއަށް މަސައްކަތް ކުރާ ކޮމެޓީން އިސްނަގައިގެން މިއަހަރުގެ ޑިސެމްބަރ މަހު ބާއްވާނެ ކަމަށް މާލެ ސިޓީގެ އަންހެނުން ތަރައްޤީއަށް މަސައްކަތް ކުރާ ކޮމެޓީގެ ރައީސާ ވިދާޅުވެއްޖެއެވެ. މިކަން ހާމަ ކުރެއްވީ އިއްޔެ މާލެ ސިޓީގެ ޑަބްލިއު ޑީސީ މެމްބަރުންނާ ރައީސުލް ޖުމުހޫރިއްޔާ ޑޮކްޓަރ މުޙަންމަދު މުއިއްޒު ބައްދަލުކޮށްލެވުމަށް ބޭއްވި ބައްދަލުވުމުގައި އެކޮމެޓީގެ މަސައްކަތްތަކާއި ބެހޭ ގޮތުން މާލެ ސިޓީގެ ޑަބްލިއު ޑީސީގެ ރައީސާ ދެއްކެވި ވާހަކަފުޅުގައެވެ. މިބައްދަލުވުމުގައި، އަންހެނުން ތަރައްޤީއަށް މަސައްކަތް ކުރާ ކޮމެޓީ މެމްބަރުންގެ ކަންބޮޑުވުންތައް ރައީސް ޑރ މުޢިއްޒު އާއ ހިއްޞާ ކުރެއްވިއެވެ. އަދި އެކަންބޮޑުވުންތައް ޙައްލު ކޮށްދެއްވުމަށްޓަކައި ޤާނޫނީ ގޮތުން ގެންނަން ޖެހޭ ބަދަލްތައް ގެނައުމުގެ މަސައްކަތް ކޮށްދެއްވާނެ ކަމުގެ ޔަޤީންކަން ރައީސް ޑރ މުއިއްޒު ދެއްވިއެވެ.
Leave a Reply