ލޯކަލް ކައުންސިލް ނިޒާމަކީ މަތިބަރު ބުރަހެލި، ފަރުވާ ބޭނުންވާ ނިޒާމެއް

މުޙަންމަދު ޢާދިލް

ލޯކަލް ކައުންސިލްތަކުގެ ނިޒާމު ރާއްޖޭގައި ތަޢާރަފުކުރެވުނީ 2010 ވަނަ އަހަރުގެ ފެބްރުއަރީ މަހުގައި ފާސްކުރެވުނު ލާމަރުކަޒީ ޤާނޫނުގެ ދަށުންނެވެ. ކިތަންމެ ރަގަޅު މަޤްޞަދެއްގައި އުފެއްދި ކައުންސިލްތަކެއް ނަމަވެސް މިހާރު ޢަމަލު ކުރަމުންދާ ލޯކަލް ކައުންސިލް ނިޒާމާ ގުޅޭގޮތުން ގިނަ ފަރާތްތަކުން ކަންބޮޑުވުން ފާޅުކުރަމުންދާކަން ފާހަގަކުރެވެއެވެ. މި ނިޒާމަކީ ރާއްޖެއަށް އެންމެ އެކަށީގެންވާ ނިޒާމްތޯ ސުވާލު އުފެދެއެވެ. އާންމު ރައްޔިތުން ޤަބޫލު ކުރާ ގޮތުގައި މި ނިޒާމަކީ ޚަރަދު ބޮޑު މަތިބަރު ރާއްޖޭއަށް ލިބޭ އާމްދަނީއާ ނުބައްދަލު ނިޒާމެކެވެ. މި ނިޒާމްގެ ދަށުން ކުރާ ފައިދާއަށްވުރެ ލިބޭ ގެއްލުން ބޮޑުކަން ގިނަ ރައްޔިތުން ދެކެވެ. ދިވެހި ދައުލަތުގެ ބަޖެޓަށް ނުކަތާ ވަރަށް ޚަރަދު ބޮޑުވުމާއި، ދައުލަތުން ދޭ ބަޖެޓް ޚަރަދުކުރަނީ މަޖަލާއި، ކުޅިވަރަށްކަން ފާހަގަކުރެވެއެވެ. ރައްޔިތުންނާއި ގާތުން ވެރިކަންކުރަން އޮންނަ ނިޒާމްގައި، ކައުންސިލަރުން އިންތިޚާބު ވުމަށްފަހު އެމީހުން ހޮވި އާންމު ނިކަމެތި ރައްޔިތުންނާއި ގުޅުން ކެނޑޭކަން ހިތާމަޔާއެކު ފާހަގަކުރަމެވެ.

އަދި ކައުންސިލްގަ 05 މެންބަރު ތިބުމުގެ ބަދަލުގައި ކައުންސިލްގައި 02 މެންބަރުން (ކައުންސިލް ރައީސް އާއި ނާއިބް ރައީސް ) ގެ އިތުރުން މިހާރުވެސް މިހުންނަ ގޮތަށް ސެކެރެޓަރީ ޖެނެރަލް އެއް ހުރުމް ފުދޭނެއެވެ. ދެން ހޮވާނީ ކުރީގައިވެ ރައްކުރިއަރުވާ ކޮމެޓީ އޮންނަ އުސޫލުން ރަށުގެ ރައްޔިތުން އިންތިޚާބުރާ ރައްކުރިއަރުވާ ކޮމެޓީއެވެ. މިކޮމެޓީ މަސައްކަތް ކުރާނީ ކުންފުނިތަކުގެ ބޯޑް މަސައްކަތް ކުރާ ގޮތަށް މުހިއްމު ކަންކަމުގައި މަޝްވަރާކުރުމަށެވެ. ހާޒިރުވާ ކޮންމެ ބައްދަލުވުމަކަށް ވަކި އެލަވަންސެއް ދޭ ގޮތަށެވެ. މިހާރު އަތޮޅު ކައުންސިލަށް އިމްތިޚާބުކުރަނީ ރައީސް އެކަންޏެވެ. ކޮންމެ ރަށެއްގެ ރައީސް އަކީ އަތޮޅު ކައުންސިލްގެ މެމްބަރެކެވެ. އަތޮޅު ކޮމެޓީގެ ޖަލްސާ އަށް ކޮންމެ ރަށެއްގެ ރައީސް ހާޒިރުވެ އަތޮޅާއި ރަށުގެ ކަންކަމަށް އަތޮޅު ކައުންސިލްގެ ރައީސްއަށް މަޝްވަރާ ލަފާ ދެއެވެ. މިކަމުގެ ސަބަބުން ދައުލަތަށް ލިބޭ އެއްޗަކުން ރަށްތައް ހިންގައި ތަރައްޤީކޮށް ޚަރަދު ކުޑަ ނިޒާމެއް އުފެދިގެން ދެއެވެ.

ދެން ފާހަގަކުރެވޭ އަނެއްކަމަކީ ބައެއް ފަހަރު ކައުންސިލްތަކަކީ ވަކިވަކި ކުދި ސަރުކާރުތަކެއްހެން ހީވާ ފަހަރުވެސް އާދެއެވެ. އެހެނީ ސަރުކާރުގެ ސިޔާސަތުތަކަށް ގޮންޖަހާ ސަރުކާރާ ދެކޮޅަށް ބަޔާންތައް ނެރޭތަންވެސް ފެނެއެވެ. މިކަމުގެ ސަބަބުން ސަރުކާރާއި، އެފަދަ ކައުންސިލްތަކާއި، ގުޅުން ކެނޑޭ ތަންފެނިގެންދެއެވެ. ނަމަވެސް ޤާނޫނޫ އަސާސީގައިވާ ގޮތުން ކައުންސިލް ތަކަކީ ދައުލަތުގެ ތިންބާރުގެ ތެރެއިން ވެރިކަން ހިންގުމުގެ ބާރުގެ ފަށަލައެކެވެ. ސަރުކާރާ ގުޅިގެން ރައްޔިތުން ބޭނުން ވާ ޚިދުމަތްތައް ރަށުން ފަސޭހައިން ލިބޭނެ ގޮތް ހެދުމެވެ. މި ނިޒާމްގައި ރައްޔިތުންނަށް ލިބިގެންވާ އެންމެ މުހިއްމު ފައިދާއަކީ ދައުރު ހަމަވެ ރައްޔިތުން ބޭނުން ނުވާފަރާތް ވޯޓުން ބޭރު ކޮށްލެވޭތީއެވެ. އިޚުލާސްތެރިކަމާއެކު މަސައްކަތް ކުރާނަމަ ކޮންމެ ނިޒާމަކީވެސް އޭގެ ޒާތުގައި ރަގަޅު ނިޒާމެކެވެ. އެކަމަކު ވިސްނާލުން މުހިއްމީ ދިވެހި ރާއްޖޭގައި ޤާއިމްކުރާ ނިޒާމް ވާންޖެހެނީ ދިވެހިންނާއި ގުޅޭ، ދިވެހިންގެ ސަޤާފަތާއި، އާދަކާދައާއި، ފުށުނާރާ ހަރުދަނާ ނިޒާމަކަށެވެ.

ލިއުންތެރިން