ރާއްޖެއަށް މިހާރު ކުރަމުންދާ ވިއްސާރާއިގައި މިއަދުވެސް ގިނަ އަތޮޅު ތަކަށާއި މާލެއަށް ބޯކޮށް ވާރެވެހި މަގުތަކުގައި ފެންބޮޑު ވެފައި ވެއެވެ. މޫސުމާ ބެހޭ އިދާރާއިން ލަފާ ކުރައްވާ ގޮތުގައި ކުރިއަށްއޮތް 24ގަޑިއިރުވެސް ރާއްޖޭގެ ބޮޑުބަޔަކަށް ވިއްސާރަ ކުރާނެއެވެ. އަދި މިރޭގެ އިރުއޮއްސި 7.00ން މިރޭ މެންދަމު އަލިވެ 01.00ށް ތިލަދުންމަތީ އުތުރުބުރީން (ހއއަތޮޅު) ފެށިގެން ކޮޅުމަޑުލާ (ތއަތޮޅު) ދެމެދު ރީނދޫ ސަމާލު މޫސުމާ ބެހޭ އިދާރާއިން ނެރެފައިވެއެވެ. ވިލާގަޑުގައި ގާތްގަޑަކަށް 50މޭލަށް ވައި ޖެހޭނެ ކަމަށާއި ކަނޑުތައް އާދަޔާ ޚިލާފަށް ގަދަވާނެ ކަމަށްވެސް ލަފާ ކޮށްފައި ވެއެވެ. ވީމާ މިދުވަސް ވަރު ދަތުރު ކުރައްވާ ފަރާތްތަކުން މޫސުމަށް ބައްލަވައިގެން ދަތުރު ކުރެއްވުމަށާއި ކޮންމެހެން ކުރަންވަން ޖެހޭ ދަތުރު ފިޔަވާ އެހެން ދަތުރުތައް މަޑު ޖައްސާލުމަށް ކަމާ ބެހޭ އިދާރާ ތަކުން އިރުޝާދު ދެއްވާފައި ވެއެވެ.
Leave a Reply