ޢާއިޝާ ބަސް ސްޓޮޕުގައި ހުއްޓިލައިގެން ހުއްޓާ، ކުއްލިއަކަށް އޭނާގެ ލޮލުގައި އަޅައިގަތީ ފިރިހެން ކުއްޖެކެވެ. އެއީ ހަރީޝްއެވެ. އެ ދެމީހުންގެ ލޯތައް ބައްދަލުވުމާއެކު، އައިޝާގެ ހިތުގައި އުފެދުނު ޝުޢޫރު ބަޔާންކުރަން ދަތިވިއެވެ. އެހިނދުން ފެށިގެންއެ ދެމީހުންގެ ދެމެދުގައި ލޯބީގެ ގުޅުމެއް އުފެދުނެވެ.
ނަމަވެސް، އައިޝާގެ މައިންބަފައިން މި ގުޅުމަށް ދެކޮޅު ހެދިއެވެ. އެމީހުން ބުނީ ހަރީޝްއަކީ އެމީހުންގެ ދަރިފުޅާ އެކަށީގެންވާ މީހެއް ނޫން ކަމަށެވެ. މިކަމުން އައިޝާގެ ހިތަށް ވަރަށް ބޮޑު އަސަރެއް ކުރިއެވެ. އޭނާއަށް އިހުސާސްވީ އޭނާގެ ހަޔާތުގެ އެންމެ މުހިންމު ނިންމުން ނިންމުމުގެ ޙައްޤު އޭނާއަށް ނެތް ކަމަށެވެ. ވަރަށް ގިނަ ވިސްނުމަކަށްފަހު، އައިޝާ ނިންމީ ގޭގައި ތިބޭ މީހުންނަށް ނޭނގި ގެއިން ނުކުމެ ހަރީޝް ދިރިއުޅޭ ރަށަށް ދާށެވެ. އޭނާ އެކަން ކުރީ ހަރީޝްއާއެކު އޭނާގެ ދިރިއުޅުން ފަށައިގަތުމުގެ އުންމީދުގައެވެ. ނަމަވެސް، ހަރީޝްގެ އާއިލާވެސް މި ކާވެންޏަށް އިންކާރު ކުރިއެވެ. އެމީހުން ބުނީ އައިޝާއަކީ އެހެން ރަށެއްގެ އަދި ތަފާތު މާޙައުލެއްގެ ކުއްޖަކަށް ވާތީ، އެމީހުންގެ އާއިލާއާ ގުޅޭނެ މީހެއް ނޫން ކަމަށެވެ. މިހާ ހިސާބުން އެ ދެ ޒުވާނުންގެ ހިތްތަކަށް ލިބުނު އަނިޔާ ވަރަށް ބޮޑެވެ. އެހެންނަމަވެސް، އެ ދެމީހުންގެ ލޯބި ވަރުގަދަ ވުމާއެކު، އެމީހުން ނިންމީ އާއިލާތަކުގެ ރުހުމެއް ނެތަސް ކާވެނި ކުރާށެވެ. އެގޮތުން އެމީހުން ސިއްރިއްޔާތުން ކާވެނި ކޮށްގެން އުޅެން ފެށިއެވެ. އެހެނަސް، ހިތާމައަކީ އެމީހުންގެ އުފާވެރިކަން ގިނަ ދުވަހަކަށް ދެމިގެން ނުދިޔައެވެ. ކުއްލި އެކްސިޑެންޓެއްގައި ހަރީޝް މަރުވެދިޔައެވެ. މި ހިތާމަވެރި ޚަބަރުން އައިޝާގެ ދުނިޔެ އަނދިރިވެގެން ދިޔައެވެ. އޭނާގެ ހިތުގެ ރިހުމަކީ ބަޔާން ކުރަން ދަތި އެއްޗަކަށް ވިއެވެ. (ނުނިމޭ)
Leave a Reply