ރަޖިސްޓްރީ ނުކޮށް ހުރި އެއްގަމު އުޅަނދާ ވަގު ރަޖިސްޓްރީ އަޅުވާފައި ހުރި އެއްގަމު އުޅަނދާ އެހެން ޒޯންތަކަށް ރަޖިސްޓްރީކޮށްފައި ހުރި އުޅަނދު ހުޅުމާލެއިން މިހާރު ހަމަ ޖައްސަވާފައިވާ ޕާކިންގ ޒޯނަށް އަށް ގެންދިއުމަށް މިނިސްޓަރ އޮފް ޓްރާންސްޕޯޓް އެންޑް ސިވިލް އޭވިއޭޝަން މުޙަންމަދު އަމީން އިލްތިމާސް ކުރައްވައިފިއެވެ. އެމަނިކުފާނު މިކަމަށް އިލްތިމާސް ކުރެއްވީ ޓީވީ އެމް އިން ގެނެސްދިން “ރާއްޖެ މިއަދު” ޕްރޮގްރާމްގައި ވާހަކަފުޅު ދައްކަވަމުން ނެވެ. ޓޯކުރުމުން އުޅަނދުގެ ފަރާތަށް އެކިވަރުގެ ގެއްލުން ލިބޭ ކަން ފާހަގަ ކުރައްވަމުން ސަރުކާރުން މިހަމަ ޖެއްސެވި ފުރުޞަތުގެ ބޭނުން ހުރިހާ ފަރާތްތަކުން ހިއްޕަވާ ޢަމަލު ކުރެއްވުމަށް ވެސް އެދިވަޑައިގަންނެވިއެވެ. ވީމާ މިހުޅުވާލި ފުރުޞަތު ގައި 6މަސް ދުވަހުގެ ތެރޭަގައި މިފަދަ އުޅަނދު ގެންގުޅުއްވާ ފަރާތްތަކުން ރަޖިސްޓްރީ ކަންތައް ނިންމެވުމަށް ވެސް ވަޒީރު އެދި ވަޑައިގަން ނެވިއެވެ.
މާލެއަކީ ބިމަށް ބަލާއިރު ދުއްވާ އެއްޗެހި ގިނަ، ޕާކް ކުރާނެ ސަރަހައްދު ނެތް ރަށެއްކަން ފާހަގަ ކުރެވެއެވެ. މާލެގެ މަގުމަތީގައި ޤަވާއިދާ ޚިލާފަށް ދުއްވުމުގެ ސަބަބުން ނުރައްކާތެރި އެކްސިޑެންޓް ހިންގާ މީހުންގެ ފުރާނައަށް ގެއްލުން ވެފައި ވެއެވެ. އަތޮޅުތެރޭގެ ރަށްރަށުގައި ދުއްވާ އެއްގަމު އުޅަނދު ފަހަރުގެ މަޢުލޫމާތު އެރަށެއްގެ ކައުންސިލުން ބަލަހައްޓާ ގޮތަށް ހަމަ ޖައްސަވާފައި އޮތްނަމަވެސް ބައެއް ކައުންސިލްތަކުން އެރަށެއްގައި ދުއްވާ އެއްގަމު އުޅަނދު ފަހަރުގެ މައުލޫމާތު ނުބަލައްޓާ ކަމުގެ ޝަކުވާ އެފަދަ ރަށްރަށުގެ ރައްޔިތުން ކުރާކަން ފާހަގަ ކުރެވެއެވެ. މަގުމައްޗަކީ އަމާން ތަނަކަށް ނުވާނަމަ މުޖުތަމަޢު އަމާން ތަނަކަށް ވެގެން ނުދާނެ ކަން އެފަދަ ފަރާތްތަކުން ފާހަގަ ކުރެއެވެ.
Leave a Reply