ދައުލަތު މީޑިއާގެ ޕީ އެސް އެމްގެ މެނޭޖިންގ ޑިރެކްޓަރ ޒީނާ ޒާހިރު މިއަދު މަޤާމު އިސްތިއުފާ ދެއްވައިފިއެވެ. މަޤާމުން އިސްތިއުފާ ދެއްވި ސަބަބެއް އަދި ހާމަ ކުރައްވާފައެއް ނުވެއެވެ. ޕީ އެސް އެމްގެ އެމްޑީ ކަމަށް ޒީނާ އައްޔަނު ކުރައްވާފައި ވަނީ 28ނޮވެމްބަރ 2023ގައެވެ. ޒީނާ މަޤާމާ ޙަވާލުވެ ލެއްވުމަށް ފަހު ކުންފުނީގެ ހިންގުން ހަރުދަނާ ކުރެއްވުމަށް މަސައްކަތްތަކެއް ކުރައްވާފައި ވެއެވެ. ޒީނާ އެމްޑީ ކަމުގައި މިއަހަރު ބޭއްވި ޔޫރޯ ފުޓްބޯޅަ މުބާރާތުގެ މެޗްތައް ޓީވީ އެމް އިންނާ ޔޭސް ޓީވީ ވަގުތުން ދައްކާފައި ވެއެވެ. ޒީނާ ޒާހިރު އެމް ޑީ ކަމުން އިސްތިއުފާ ދެއްވުމާ ގުޅިގެން އެމްޑީގެ މަޤާމުގައި ހުންނަވައިގެން ކުރެއްވި މަސައްކަތްތަކަށް ޕީ އެސް އެމްގެ މުއައްޒަފުންގެ ފަރާތުން ޝުކުރު އަދާ ކުރައްވާފައި ވެއެވެ.
ޕީ އެސްއެމްގެ ޗެނަލްތަކަކަށް މިހާރު އާއްމުން ސަމާލުކަން ދިނުން ވަރަށް ކުޑަވެފައިވާ ކަން ފާހަގަ ކުރެވެއެވެ. އެއް ވެސް ބަދަލެއް ނުގެނެސް އެއް ޕޮރޮގްރާމްތަކެއް ގިނަ ދުވަސްތަކެއް ވަންދެން ގެނެސް ދޭ ތީ ދިވެހިން މިއަދު ޓީވީ އެމް އަށް ޝައުޤުވެރިކަން ގެއްލިފައި ވެއެވެ. ދުނިޔޭގެ ޓީވީ ޗެނަލްތަކުން ޒަމާނީ ޓެކްނޮލޮޖީގައި އެހީގައި ޚަބަރާއި މުނިފޫހި ފިލުވާ ޕޮރޮގްރާމްތައް ފޮނުވަމުން ދާއިރު ޤައުމީ ޓީވީ ޓީވީ މޯލްޑިވްސް އިން އިން އަދިވެސް ޕްރޮގްރާމްތައް ފޮނުވަނީ 1980ގެ އަހަރު ތަކާ އެއްގޮތަކަން ގިނަ ބަޔަކު ފާހަގަ ކުރެއެވެ.
Leave a Reply