މުޙަންމަދު ޢާދިލް
ރާއްޖޭގެ ރަށްތަކުގައި ޤާއިމްކޮށްފައިވާ ޔޫތު ސެންޓަރުތަކުގައި ކޮންމެ ސަރުކާރަކުންވެސް މުޖުތަމައުގެ ދުޅަހެކަން އިތުރުކޮށް ރަގަޅު ސިއްހަތެއް އެކުލެވޭ މުޖުމައުއެއް ބިނާކުރުމުގެ ނިޔަތުގައި އެ ސަރުކާރެއްގެ މެނިފެސްޓޯ ނުވަތަ މައިގަނޑު މަޤުސަދު ހާސިލްކުރުމަށް ސިޔާސީ ބޭފުޅުންތައް 115 ވަނަ މައްދާގެ ދަށުން ރައީސުލްޖުމްހޫރިއްޔާއަށް ލިބިގެންވާ ބާރުގެ ދަށުން އެމަނިކުފާނުގެ މަސައްކަތަށް ފަސޭހަކުރުމަށް އައްޔަންކުރެއެވެ. ނަމަވެސް ޔޫތުސެންޓަރުތަކުގެ މަޤުޞަދު ހާސިލްވަނީ ކިހާވަރަކަށްތޯ ސުވާލު އުފެދެވެ.
ޔޫތު ސެންޓަރުތަކުގެ މައިގަނޑު މަޤްޞަދަކީ ޒުވާނުންނަށް ތަފާތު ހުނަރުތައް ދަސްކޮށްދީ، އެކި ދާއިރާތަކުން ތަމްރީނު ދިނުމާއި، މުނިފޫހިފިލުވުމުގެ ޙަރަކާތްތައް ހިންގުމެވެ. މީގެ އިތުރުން، ޒުވާނުންގެ މެދުގައި އެކުވެރިކަން އުފެއްދުމާއި، އިޖްތިމާޢީ ގުޅުން ބަދަހިކުރުމަށް މަސައްކަތްކުރުމަކީވެސް ޔޫތު ސެންޓަރުތަކުގެ މުހިންމު މަސައްކަތްތަކުގެ ތެރޭގައި ހިމެނޭ ކަންކަމެވެ. ނަމަވެސް ދުވަހުން ދުވަހަށް ޔޫތުސެންޓަރުތައް ހުޅުވައި މަސައްކަތް ކުރަނީ ކިތައް ޔޫތު ސެންޓަރުންތޯ ރައްޔިތުންގެ މެދުގައިވަނީ ސުވަލުއެދިފައެވެ. ރައްޔިތުން ޤަބޫލުކުރާ ގޮތުގައި ގިނަ ޔޫތުސެންޓަރުތައް މަހަކު އެއްފަހަރުވެސް ނުހުޅުވައެވެ. އަދި ޔޫތުސެންޓަރަށް އައްޔަންކުރާ ފަރާތަކީ ރައްޔިތުންނަށް ޚިދުމަތްކުރާ ފަރާތެއްކަމާ މެދު ސުވާލުއެފެދިފައެވެ. ގިނަ ބަޔަކު ޤަބޫލުކުރަނީ ޔޫތުސެންޓަރަށް އައްޔަންކުރާ ފަރާތަކީ މެންބަރު ހޮވަން މަސައްކަތްކުރާ ފަރާތަށް އުޖޫރައެއް ދިނުމުގެ ގޮތުން ހަމަޖައްސައިދޭ ވަޒީފާއެކެވެ. ކޮންމެހެން ޔޫތުސެންޓަރު ހުޅުވައިގެން ރައްޔިތުންނަށް ޚިދުމަތްކުރާކަށް ނުޖެއެއެވެ.
ޔޫތު ސެންޓަރުތަކުގެ ބެލެނިވެރި ފަރާތަކީ ޔޫތު މިނިސްޓްރީ ކަމަށްވީ ނަމަވެސް، މިސެންޓަރުތައް ޤާއިމްކޮށްފައި ހުންނަނީ ރަށްރަށުގައެވެ. މިތަންތައް ހިންގަމުންދަނީ ކިހިނެއްކަމެއް ޔޫތު މިނިސްޓުރީއަށް އެނގޭކަމާއި މެދު ރައްޔުތުންގެ މެދުގައިވަނީ ސްވަލުއެފެދިފައެވެ. ކޮންމެ މަހަކު މުސާރަ ޖަމާވާފައިދައިން އެމީހުން ކުރާމަސައްކަތެއްވެސް މޮނިޓަރ ކުރާނެ ފަރާތެއް ހުންނަންވާނެއެވެ.
ގިނަ ރައްޔިތުން ދެކޭގޮތުގައި ޔޫތު ސެންޓަރުތަކަކީ ވަރަށް މުހިންމު ދައުލަތުގެ އެސެޓެއް ނަމަވެސް، މި ސެންޓަރުތަކުގެ ބޭނުން އެންމެ އެދެވޭ ގޮތުގައި ހިފެމުން ނުދާކަމަށް ގިނަ ފަރާތްތަކުން ޝަކުވާ ކުރެއެވެ. އެހެންކަމުން، ޔޫތު ސެންޓަރުތަކުގެ ޚިދުމަތްތައް އިތުރަށް ފުޅާކޮށް، ރައްޔިތުންނަށް ފަސޭހައިން ލިބޭނެ އިންތިޒާމު ހަމަޖެއްސުމަށް ސަރުކާރުން މިހާރު ބޮޑަށް މަސައްކަތް ކުރަންޖެހޭކަމަށް އާންމު ރައްޔިތުން ދެކެވެ. ދައުލަތުން ޚަރަދުކޮށްގެން ވަޒީފާތަކަށް މީހުން އައްޔަން ކުރާނަމަ އެމީހުންގެ ޕާރފޯމްކުރަނީ ކިހާވަރަކަށްތޯ ބަލަންޖެހެއެވެ. އެހެނިހެން މުވައްޒަފުންގެ އެޕްރައިސަލް ފުރާ ގޮތަށް މިދެންނެވި ފަރާތްތަކުގެ އެޕްރައިސަލްވެސް ފުރަންޖެހެއެވެ.
Leave a Reply